اثر الجحش مايسري الا اخر اليل=وانــا احسبـنـه مايتـعـدى مـحـلـه
هـذا زمــان ٍفـيـه كـثـر التهـاويـل=حتى الجحش لـه صـورة ٍبالمجلـه

الجحش ياناصر يحب التعاليـل=يبيك لكن مالقى احد (ن) يدلـه
شفته وهو مقفي يجر المواويـل=ولا عاد ندري بعدها وش حصله

صرت انت من حضه لحيث نك حليل=تعـرف وش اللـي يطلـب وصاحيـلـه
رح اتبعه وان اعجبـك نـاد ابـو ذيـل=تـراه يمـون ولـو تبـى الجحـش كلـه

انته تدور له وترسـل مراسيـل=وانا ما ادور له ولا مرسل (ن) له
وان كان يوجد من وراكم محاصيل=قلي وابو ذيـل ان تعـداك قلـه

صـحـيــح الــدورلـــه والــدربـــل بـدربــيــل=وانــــــت بـنـيــابــه جـيــتــنــي فـزعــتــلــه
مــالـــي لـــــزوم ٍفــيـــه يـاغــيــر لــشــيــل=وسبحان من جابك تشيل الك حله

انته تدور يابـو خالـد مداخيـل=لكن فرضـك لا تذكـرت صلـه
انا احسبك من ضمن ركابة الخيل=واثرك لا شفت الجحش ماتملـه

عزالله انك رجل وافي وحلحيل=وجبلـتـك ياحيـهـا مــن جـبـلـه
وانا شهدنك شاعر ٍ توفي الكيل=منته من اللـي فيـه شكـه وعلـه

هذا زمان ٍفيـه كثـر التهاويـل=حتى الجحش له صورة ٍبالمجلـه