السلام عليكم




أضعها بين يديكم .. بدون تعليـق ..






أنا ماكنت أنا أحبك .. أنا كنت أعشقك و اختال

أنا كنت اشربك واظماك .. و أرجع أشرب دلالك


أنا كنت بزوايا الكـون .. أشوفـك عالـم الآمــال

و أشوفك كـبر هـ الدنيا بعيني أنت بـ لحالك


تذكر يوم نتخيل ؟ .. كبرنا و صار عندي عيال !

و قلت أسمّـي بإسمـك اذا ماكانوا عيـالـك..؟


تذكر يوم كان العمر يغنينــا فــرح مــوال....

و ادوزن خطوتي ابسكّه توصلني على جالك


هناك المدرسه والسور و بيت محمد الرحال

جدار .. و بيدك الفحمه ..تكتّب به و يحلالك


بآخــر هـذي اللفــه بقالـة مطلـق البـتــال

ودايم منهـا ناخـذ حــلاوة تشبه هبـالــك


تجنن وانت تاكلها وتعطي منها الجهال

وتحكي هذي من "فطّـوم" جابتها وانا قبالك


كبرنا و صارت وعودك مابين العم والاخوال

ودايم حجتي "حصه" لانها بس مَرَة خالك !


تهندم لي على كيفي و تلبس لي شُمغ وعقال

و امووت ان شفت من زولك طرف هالثوب و عقالك !


تذكر يوم خطبني زيد ؟.. قلبت و صار حالك حال

وقلت الليلــه الليلــه انا مهـلــوك او هــالـك !!


لعينك اركب امواج الخطــر مااسأل عن الاهــوال

بعد قلبي صبر عـ الشوق و زاد العشق و اهوالك


بعد هذا تقابلنا و جيت ابْيدّك " الســلــســال " !!

تلفـه فـوق عنقـي لــف .. كأنك توثـق حبـالـك !!


تقولي لا حضـر موتــي امـانـه اقطعـي بالحــال ..

شهقت وقلت من قلبي : فال الله و لا فالك ..!!


سألتـك: ليه ياروحـي .. بوجهك باين الغربـال..!؟

ترى الاحـزان ياعمــري ماخِـلْـقـت لك و امثالك ؟


و جاوب هالدمــع عنك بعد شفتـه بخـدك ســـال

عرفت انك نويت البــعــد و عازم فيه ترحــالــك


صبرت و قلت ابي اصبــر و لو هذا البعــد قتــال

سنـيــن ارتـب آمــالي .. و ازيـنـها بآمــالــك...


بعد خمسة سنين تــرد .. و المح في يدك أطفال..!

و اسأل.. منهم اطفالـه ؟ يقولوا لي هم اطـفـالـك ..!


كأنــه شي يــكــســرني.. يحـطـمـنــي ..كذا و لازال

كأنــه شي ينــحــرني و يرميـنـي على رمـــالــك ..!


تبسم وانت تسألني ..! : كيفك ؟ هاه ؟ عال العــال ؟

الين اليـوم مـهـبـولـه ؟ و لسـه عايشــه اخبالـك ..؟


و جاوبـتـك وانـا هـمـي على كتفـي يــهــد جـبــــال..:

انــا ماكـنـت اظــن بـيـوم عـليّ تركـن اجـبـالــك ..


اذا كان الوفي مهبـــول ..! ألا يا لــعــنـة العــقــال ..!!

أمـــانه لا تكثــرها .. و بـيـدك شــد سـلـسـالــك






فاطمه المشيقح





تحياتي ..