قبيلة بني رشيد - حبيب العازمي و تركي الميزاني في قطر

بـــــ الله ــسم الرحــــ الرحيم ــــــــن هذي محاوره جبتها بين شبح المملكه حبيب شاعر المليون تركي 2000

حبيب

سلام للحفل الكبير وراعي الحفـل الكبيـر=والدوحه اللي بالوفا والخير ضافـي ظلهـا
ليا وقف شاعر من عتيبه وشاعر من مطير=الأولـه والثانيـه واللـي عقدهـا يحلهـا

تركي

يامرحبابك بالنيابه وأنت ماحجمـك صغيـر=شاعر وفاهـم فالسوالـف والمعانـي كلهـا
عطني علومك ياحبيب ياعسى في الأمر خير=نبي نسولـف ونتهـرّج والـدروب ندلهـا

حبيب

النفس يغلبها الهوى والطيـر بجناحـه يطيـر=اللي تناسب هاتهـا وأن صـار فيهـا خلهـا
هل تعلم أن الأرض كبر القرش في عين البعير=واللي عشق ليلـى قبـل تسعـن عـامٍ ملهـا

تركي

ياكثر مايطري عليّه من طواري فالضمير=وأنته يجوز أنك تميّز دقهـا مـن جلهـا
هل تعلم أن الوقت والدنيا رحاة تستديـر=ومهما تمر سنين ليلـى ماتناسـى خلهـا

حبيب

أهل الوفا ترسي كما البابور في البحر الغزير=وإن كان صارت معركه هات السيوف وسلها
ياللي تشيلون المريض ولا لقيتولـه سريـر=عندي دواء لهـل الكبـود الزايمـه ويعلهـا

تركي

أنته توصيني وأنا حاسب حسابي من عصير=والمعركه قدي يابن عاصـي وأنـا قدلهـا
لافرق بين العلم الأول يالعتيبـي والأخيـر=والأرض تنبت نبت مـدام المـزون تبلهـا

حبيب

العلم عند الله أونا مخلوق مدري وش يصير=لكن ماباقي معك غيـر الصـلاه وصلهـا
مدري سلوك المشكله من قطن ولامن حرير=أمسى هذا ينقض لها وأصبح هذا يفتل لهـا

تركي

صاحبك مايرد على هداج بالحبل القصير=لابد مايمهـل لهـا لحظـه ولايهملهـا

وسلامتكم وسامحوني اذا كان في اخطاء

مع التحيه