قبيلة بني رشيد - البرق يبرق.. والخيال أقفابه= وأنا بخير..إذا ملكت أعصابي

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

البرق يبرق.. والخيال أقفابه= وأنا بخير..إذا ملكت أعصابي

أيها الأحبه ، إليكم هذه القصيده واعتذركم هذه الغيبه ،،آمل أن تنال استسانكم:-

البرق يبرق.. والخيال أقفابه= وأنا بخير..إذا ملكت أعصابي
أدور الجابه ..ولا لقا جابه= عن مايدور..بخاطرالأعرابي
والعذر طال.. وطال كثر أغيابه= قمت اتعذّر.. لين طال أغيابي
شيءٍ خذاني ماخذيت احسابه=يحسب عليه طيب.. ظن اصحابي
بيتٍ ذبحني.. بأعمده وأطنابه=على زلولٍ.. لونها عنابي
دونه حدوْني لادخل النصابه= مابا شرارالنار.. حول أثيابي
حشمة عزيز. وخوف حرإعتابه= والخوف كله.. رد فعل أحسابي
لوكان جواليوم.. مايمشابه= من كل يمه.. لاطلعت اومابي
وأوراق دربي.. ماعليها كتابه= من شأن اعرف الدرب.. لايغدابي
(إن كنت ذيبٍ فالرجال.. أذيابه)= كلٍ يقوله.. والصحيح.. إيجابي
الرجل يترك شيء ..وهو أولابه=من شأن عين تنام ..عين الهابي
أمر بيت المجد واطرق بابه= طرق الأمن في باب.. بيت أرهابي
الصعب هين.سم يقرأ دابه= سرب العزائم ..هازم الأحزابي
متى الطموح الحر.هد أعقابه= وكره يحطه فالمكان النابي
ماضاع حقٍ تابعه طلابه= بالسيف وألا.. بمذهب الوهابي
الحق سيف بيد راعيه إنصابه= من نظرتي.عنوان مابكتابي
إن يسر الله للمحب أحبابه = يوم اللقاء.لاشرف ..الأحبابي
وأن خالف الصياد صيد الغابه=هذا النصيب.. وحظه القلابي..

معيوف ابن زهيميل

صح لسانك وقصيده جزله من شاعر جزل

وتقبل سلامي

إقتباس:

اقتباس من مشاركة معيوف ابن زهيميل (المشاركة 189495)

أيها الأحبه ، إليكم هذه القصيده واعتذركم هذه الغيبه ،،آمل أن تنال استسانكم:-

معيوف ابن زهيميل

صح السانك ومن طول الغيبات جاب الغنايم
وكل عام وانت بخير

صح لسانك يابن زهيميل
وكل عام وانتم بخير

إقتباس:

اقتباس من مشاركة معيوف ابن زهيميل (المشاركة 189495)

أيها الأحبه ، إليكم هذه القصيده واعتذركم هذه الغيبه ،،آمل أن تنال استسانكم:-

معيوف ابن زهيميل

حشمة عزيز. وخوف حرإعتابه= والخوف كله.. رد فعل أحسابي
لوكان جواليوم.. مايمشابه= من كل يمه.. لاطلعت اومابي

سلمت يالشاعر بن زهيميل والقصيده معانيها الغامضه معبره عن شاعر متمكن0
وشاعريعاني من مايعانيه معظم البشر بالجزيره العربيه 0

قصيده تستحق النشر وتستحق الاشاده بيض الله وجهك يابن زهيميل

اخوك الشاعر الجحش

صح السانك وافيه

من وافي وعيدك مبارك تقبل مروري

قصيده جميله جدا ً
والشاعر ها مايحتاج له تعريف صاحب الكلمه الراقيه
والمعاني الذهبيه له ميزه فارقه في الشعر وهو اتخاذ تصويرالهدف بدقه
ويكتفى في هذا البيت من القصيده
(إن كنت ذيبٍ فالرجال.. أذيابه)=كلٍ يقوله. والصحيح.. إيجابي

لله درك يابو صالح على هذه الرائعه
وكل عام وانت بخير

كل سنة وانت بخير ياشاعرنا

الف شكر وصح لسانك على هالقصيدة الجزلة والقوية في معانيها
ابدعت كثر منت مبدع الله يحميك يارب