قبيلة بني رشيد - بحث عن المتنبي فين اختفا

السلام عليكم ورحمة الله وبركاته
بعد التحيه
وبعد تصفحي المحا ور ات القد يمه بالمنتدا
لفت انتبا هي اسم المتنبي وعجبت في جميع
محاوراته مع معيو ف بن زهيميل ونا صر الشو يلعي
ويبدولي انه غير متو اجد بالمنتدا منذو فتر ه طو يله
فا رجو افا دتي عنه وعن سبب اختفايه
ولكم محا ورته مع شاعر المنتدا ونا صر الشويلعي

ابن عم ورفيق ومن خيار الرفاقه

--------------------------------------------------------------------------------

أيها الأعزاء أقدم لكم بعد التنسيق هذه المحاورة التي جرت بين الشاعر المتنبي والشاعر معيوف ابن زهيميل آمل أن تحوز على استحسانكم:

المتنبي

شاعر المنتدى الليله يبى ايطول ليله = لين يضبط معي ويقيم وضع الصداقه
ان بغاها عريضه ون بغاها طويله = ابن عم ورفيق ومن خيار الرفاقه

معيوف

شاعر المنتدى لوح بظهر الأصيلة = سل سيفه على اللي يخرّبون العلاقه
ما نبا إلا سواليف الرجال الجزيله = ابن عمك ما يبغى أهل العلوم الدقاقه

المتنبي

يوم سليت سيفك ونت فوق الكحيله = اهلك ليه ماسموك حماي ساقه
انتبه لاتدق الهيل والجنزبيله = لاتعدا الحدود ابلاجواز وبطاقه

معيوف

الدروب نخبرها ما ستعزنا دليله = اسم معيوف يكفي خل عنك الحماقه
لكن اسمك ما يعرف مع فخوذ القبيله = كيف ندري جمل وإلا مع الابل ناقه

المتنبي

ادري انك دليله مايدور بديله = تقدر اتسوق ميحتاج رخصة سواقه
اذهن الزند لايقدح براس الفتيله = شوف لك راسن اقرع ونتبه للحلاقه

معيوف

كان ودك تخاويني برحله جميله = خلك بجنبي وعطني سوالف رقاقه
لاتحذر خوي(ن) قرح الخد خيله = أرفع الرأس ذوقك لاتكدر مذاقه

المتنبي

عاذنا الله وعاذك من دروب الرذيله = كانها من عسر نعذرك لاتفك طاقه
يامعيوف ان مجاك الحق لازم تجيله = مايفارق وريدك لوتدور فراقه

معيوف

صاحبي جابلي عيله وأنا جبت عيله = وحده بوحده وكلٍ يخيط رواقه
كل واحد مسجل في كتابه حصيله = يتضح فيه صدقه يا ولد من نفاقه

المتنبي

انت صاحب فضيله ونا صاحب فضيله = والخطا بيننا ممنوع والاصتفاقه
مثل ماقلت كلن يرتوي من صميله = انت حرن بماكر حر منته بعاقه

معيوف

شيخ مع شيخ شيختنا مهي مستحيله = خل بعض العرب قلبه يزيد احتراقه
اتكلنا على الله خيل برق المخيله = عاش رأسك غناوي منت عايش بفاقه

وسلامة الجميع
معيوف ابن زهيميل

ملا حضه محا ورته مع ناصر غير منسقه
وتحتاج موضوع ثاني
التوقيـــــع