أسباب هجرك ما تصدق بالاعـذار=ما عاد أبيلـك بالمواصيـل منـه
لا صرت ما تنشد وانا فيك محتار=كفـك لغيـري بالمواصيـل حنـه
كم لي وانا واقف على الياس صبار= الشوق ما جابك ولا جيـت سنـه
موالك الي كل يوم ن علـى طـار= بعطيك انا بيت ن الا غبـت غنـه
لا شوفك بعيني ولا دجت لي بـدار= أزريت أجيك والغلا أزريت عنـه
ردد معي ياليل ويح الزمـن جـار= مثل الرجا واليأس ضنـي وضنـه
الشاعر الي مـا يحسـب للاقـدار= ما خاط جرحه بيت شعـره ونـه
هذي النصيحه تضرب اللوح مسمار= من شاعر ن جزل المعاني غزنـه
لا صار حبك بعد والدرب مشـوار= أعلم ترى قـرب المسافـات حنـه
أطو المسافه وأحرق البعـد بالنـار= ولـي بقلبـك مـن حبيبـك تمنـه
لا ضاق صدرك من مباكير الافكار= دوك الجهاز ودق لـو بـس رنـه
لو كان صامت دون هزاز وأنـوار=أحسبـك وأدرى بهـم ن تكـنـه
يبقى عفيف الحـب لنـاس تذكـار=ما مات حب ن يدرس الناس فنـه
ولا صار هجرك كله أعذار بأعذار=جر الفراق بصوت شعري وغنـه
الحر عيشه بالخـلا دون الاوكـار=وحده ولا مليون شخـص ن يمنـه