قبيلة بني رشيد - "دوايــــات" من ذاكرت التاريـــخ

هذه بعض الأبيات لجداني رحهم الله رحمه واسعه

قال الشاعر / جدي سعد براك الدواي

ياعيون اللي رقا راس البنيه

ينهض الجنحان بالريش الخفايف

لايمي لاجعل هجتله ارعيه

مثل ابن فرهود مات من الحسايف

حب هالزينه بناله قيصريه

شيده بسميت كنه قصر نايف

وله ايضا

يابنت قومي انحري الدشه

عساج فيها تموتيني

من اول الكبد منحشه

واليوم شوفج عما عيني

وله ايضا

لاتعنى الفرد يم البردقانه

مايهم ويطرد الهوجاس عني

ضدني لطف الحشى ضده زمانه

كل يومن موتري يمه يحني

ارخت البرقع وحطتها لعانه

صوبتني وصابها رمح المطني

بو ثمانن مثل نبت الجحويانه

والنهود اللي مشانيف اذبحني

عودها ريان ماهو بالشنانه

او كما فقعن ليامنهن زمني

وله ايضا

وضحا ليا سمعت اللجه

تزبنة حس راعيها

لايبعد كل مرتجه

ياللي كبارن مثانيها

وهذه قصيده قالها جدي سعد الدواي بخوه خالد الدواي

لو رحت ياخالد وجيت الطبيبي

غير الحبيب مايسرن الاطباب

بعلون جرح القلب منها عطيبي

لو قلتله بريان بلعون ماطاب

وان كان فيكم خير هاتو حبيبي

ولا اقلعوني في وطن عسل الانياب

ابو ثمانن مثل شخب الحليبي

لاحط فيها الشكر والشكر كذاب

عزالله اني من غلاها مريبي

عيا عليه ماحصل منه ثلاب

وهذه ابيات للشاعر جدي خالد الدواي قالها في (الدوايه ) ناقه وضحه شاع صيتها بين القبايل

بالهجيج والولف ولما باع هذه الدوايه كان معه رجل من الرشايده ومرو على ابل وشافو الوضحه

بين الابل وقال الرشيدي تكفا ياخالد صيح للناقه قال ماعادة لي شلون اصيح لها الا ان اخنقته العبره وقال هذه الابيات

حوبتج يالوضحا جرى اليوم ضده

غرست عويدن في حديدن هزالي

مايلحق الرجال في تيم حده

الا عميس الراي في كل حالي

وهذه ابيات لعايد بن دويم المويزري عندما عادو من الحجيج هو وحجي بن تويم ومطلق بن سعود المويزري وجدي خالد الدواي على ضهور الابل من باب المداعبه

قال عايد بن دويم مخطاب حجي بن تويم ابن عم خالد الدواي عندما هجو بالجيش ناصين قبيلة

الرشايده

فاطر الدواي ياحجي ثقيله

كن حبل القرب يسناها خلافي

ياعشير الترف منسوع الجديله

الذلول قويصره ولا انت (وافي )

قال جدي خالد

هرجكم يالربع ماخوذن ذبيله

لو مدحتو جيشكم صارت عوافي

مابقى شين ونوصل للقبيله

مير اداريها عسى ربي يكافي

وله ايضا

يافاطمه لو تعوضيني

خيطتي القلب وخلوله

عليج من بكرتي عيني

وضحن حلاياج مقبوله

وقال الفارس فهيد بن براك الدواي

لسلوم بن قبيل الرمثان عندما غزتهم قوم وفقد بشته سلوم

البشت يفداك ياسلوم

يفداك ياخوك وفدلي

سلوم هذي سوات القوم

ماخذ وماخوذ ومولي

وقال شاعر بالفارس فارس بن براك الدواي

فارس الدواي ياملحق خويه ماتردى فيه بظهور الركايب

وللدواويه حداء على ظهور الخيل ,,, ان عيا الله وعينا ,,,, صب السمن بيدينا

وقال الشاعر بريك بن مبارك الدواي يمدح الهدبان من صياد من الرشايده عندما تخاصمو مع طرف ثاني

كبو الهدبان مافيهم دوادي ... يقطعون الريد والعوصه القويه

وانت يافران وشلك بالعنادي ... ماتحجزون المره يدكم رديه

يوم خبرتوه من بد البوادي ... عن ولد طحنون يوم الجاهليه

وقال الفارس محمد بن جدوع النملان العجرمي الرشيدي عندما غزو قوم وكان برفقته غضيان بن تويم وكان صغير وفعله

فعل الفرسان

يقول

عقب البطا غرنا على القيصومه

هيدوك ياذيب الخلا القياني

افعال ربعي باللقا ملحومه

عقيلهم والجاهل (غضياني

واللي تردى ناقلينن رومه

الاجنبي ولا من الدعجاني

وقال الشاعر مرضي بن صلاح النصافي بوضحا الدواي

بعت الهوى بيعت الدواي

وضحا على النقع هجاجه

بيحت سدي وجبت اقصاي

وخلصت ماعاد لك حاجه

وهذه ابيات بخضير بن صهيد بن تويم

كان عنده راعي من القبايل وكان خضير كريم

مذكور يامعزبي بالخير

يامدفق السمن تدفيقي

لو كان بالنجع مثل (خضير )

ماكان انا اسرح على ريقي

وهذه ابيات لمطق بن فارس الدواي

يافلاح القلب غادن حنظليله

من شديد اليوم ماعمره كواني

اه وويلاه ياشقرا جديله

جعلها عقب البطا تفرش مكاني

وهذه ابيات قالها جدي خالد الدواي رحمه الله ببن اخيه فهيد فارس الدواي

يافهيد انا اليوم ياعمك

متكسراتن نياشيني

انته ضحى اليوم ماهمك

وانا ضحى العام كاويني

ويلي على واحدن خمك

يوم انت يافهيد تتليني

ولنا استكمال كثير من القصايد والابيات انشاء الله
استودعكم الله