|
السلم والعادات والقاله
تغيـر السلـم والعـادات والقـالـه
حتى الشريعه طلع ناهوش ينهشهـا تغير المجتمع غصب(ن) على رجاله فرضت علينـا ولا نقـدر نطنشهـا اليوم ياكبر فـرق العـود وعيالـه كل(ن) حياته على كيفـه يداقشهـا العود شال الهمـوم وحالتـه حالـه يذكر ليال(ن) مضت وأيام عايشهـا إليا تذكر زمان(ن) فـات واحوالـه قامت عيونه تهامل مـن مغابشهـا قام يتذكر هـل الشيمـات والطالـه يذكر علوم(ن) تنومس من يحوشهـا واليوم طول النهـار ببيتـه لحالـه حتى عجوزه تهـوش ولا يهاوشهـا وعياله الكل مشغـول (ن) بجوالـه مافيهم اللي لقـى هرجـه يناقشهـا تطوروا واعذروا بالثـوب وعقالـه تلبس بناطيـل والقمصـان تنقشهـا وإليا طلب منهـم المشـوار عزالـه قامت قضيـة فلسطيـن ومهارشهـا أعوذ بالله كنـه صايـر(ن) عالـه ماكن حق الله ولـه حـق حايشهـا مغير تالـي بناتـه كنهـا أشوالـه قبل امس جاها عريس عجل واربشها واغرى عجوز القشر والبنت بامواله واخوانها صاحبوه وهـاش هايشهـا عطاه يبغى الستر والنـاس عذالـه يصارع همومـه بنفسـه ويكمشهـا لوكان ماهو بـوده ولاعلـى بالـه لكن حدته الظروف وغاش غايشهـا وصورت حاله وباق(ن) حاله وحاله تذكيـر للـي درى فيهـا وطنشهـا ولا أعم خلق الله وكل(ن) على فاله اللي مايسمـع بهـا لابـد عايشهـا هذا وبه نـاس للخيـرات حصالـه تمشي ورا الخير لو تكثر مطارشهـا واللـي تقيـد بديـنـه واهنيـالـه يوفي جميع الحقوق ولا يغشغشهـا فواز بن ضيف الله القويضي |
رد: السلم والعادات والقاله
تغير المجتمع غصب(ن) على رجاله=فرضت علينـا ولا نقـدر نطنشهـا
اليوم ياكبر فـرق العـود وعيالـه=كل(ن) حياته على كيفـه يداقشهـا صح السانك اخوي النجم والسان الشاعر/ فواز بن ضيف الله القويضي شكراً لك اخي الكريم |
رد: السلم والعادات والقاله
هذا وبه نـاس للخيـرات حصالـه
تمشي ورا الخير لو تكثر مطارشهـا واللـي تقيـد بديـنـه واهنيـالـه يوفي جميع الحقوق ولا يغشغشهـا يعطيك الف عافيه اخوي النجم على النقل وصح لسان الشاعر :فواز بن ضيف الله ولاهنت اخوي النجم على النقل للمره الثانيه............ تقبل تحياتــــــــــي الســـــــــــــــــــــــــــــــــــامري |
رد: السلم والعادات والقاله
مشكور الاخ النجم
مبدع دائما |
رد: السلم والعادات والقاله
صح لسانك ولاهنت يالنجم ولسان شاعرها
|
| الساعة الآن +4: 10:52 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
