قبيلة بني رشيد - بديت باسم اللي نفخ روح الإنسان

هذي قصيده لشاعر عبدالله مزيد الرشيدي اتمنى ان تعجبكم

بديت باسم اللي نفخ روح الإنسان .. .. .. باسمــــه وذكره تستعين البرايا
الواحد المتعالـــي الفــرد منـــــان .. .. .. ربٍ وهبنــــا من جـلالـه عطـايا
ومن بعدهاالترحيب ياكيف ماكان .. .. .. بالمسك والعنبر نزفـــه صفــايا
لرجال عبـس مــذلـّلت كل غلطـان .. .. .. اللــي لساحات الملاحم ضـرايا
تشهد لنا الكفه على مر الأزمان .. .. .. جيلٍ بعد جيل إنتسلّم وصايا
حنـا حمــاة الدار من كل عــداوان .. .. .. فالحــرب حنـا مانهـاب المنايا
لاجات صكات العداء كل الأركــان .. .. .. انفرق اجمـــوعٍ بغتنا زرايـــا
واللي خلقنا الله على نهج شجعان .. .. .. إنهد مانبالي نسوي سوايــا
ويامدوّن التاريخ للحق برهــــان .. .. .. كرّر رواية طيــــبين العنايا
عنوانها عنتر ومالك وغطفــــــان .. .. .. ناس لها تاريــــخ عزٍ عـلايا
ذكّر بها الغاشم ولو كان ماكان .. .. .. وقله حذاري ناطحات السمايا
وختامها راضي ولو كنت زعلان .. .. .. ياللي نشدت وشفت كل الخفايا

وسلامتكم

وتقبلوو سلامي