قبيلة بني رشيد

قبيلة بني رشيد (http://ban3abs.com/aa/index.php)
-   قصائد في قبيلة بني رشيد (http://ban3abs.com/aa/forumdisplay.php?f=48)
-   -   قال الرشيدي.(للشاعرعبيدالله دعيع) (http://ban3abs.com/aa/showthread.php?t=18337)

دايم العز 25-08-2007 05:10 PM

قال الرشيدي.(للشاعرعبيدالله دعيع)
 
[POEM="font="Simplified Arabic,5,black,normal,normal" bkcolor="white" bkimage="" border="outset,7,gray" type=0 line=0 align=center use=ex num="0,black""]قال الرشيدي من بني عبس مجناه = والفارس اللي من بني عبس جده


عنتر اليا ولت على السيف يمناه = يمضي بدربه ما يجي من يرده


ياما زرع الرَّعب والخوف بعداه = وياما حرم خصمه عن الزاد لده


هذي أفعول الجد نذكر سواياه = وأفعالنا من منهجه مستمده



حنّا ترانا لابة اللي ذكرناه = غصبٍ على العدوان لو ما توده


عدونا في كل ميدان ننصاه = حتى الجبل من فوق راسه نهده


عدونا دايم بلاقدام ناطاه = وصدره بسيف الهند حنَّا نقده


نسقيه سم العلقم اللي طحناه = يشرب مرارتها ونوصله حده


ناسم على كبده من النار عرقاه = حتى يعاف النوم فوق المخده


يعاف حلو النوم لو كان يبغاه = يسهر طوال الليل ما نام خده


ودخيلنا لامن وصلنا حميناه = اللي يبيه بكل قوه نصده


والضيف نعرف واجبه ما نسيناه = له كل غالي بالكرامه نمده


والضيف له حشمه وتقدير يلقاه = حتى يروح بدربه اللي يوده


والجار محشومٍ ونرفع سجاياه = له عندنا قيمه وقدر وموده


نستر عيوب الجار بالعين نرفاه = وان غاب حنَّا باللوازم نسده


وخوينا لوزل ندمح خطاياه = خــوينــا منــا وفيـــنــا نــعــده


ولا نفتح الباب الذي فيه ماذاه = بابٍ فتح للشر نسعى لسده


ترى البحر غصناه والدر جبناه = البحر نعرف كل جزره ومده


وراع الفعول الطيبه ما جحدناه = الفارس المعروف حقن نعده


والعدل حكمه في طريق المساواه = ومن ما عدل مبناه بالظلم هده


وكل القبائل بالشجاعه مسماه = وكلٍ رجوعه يم ساسه وبده


واليوم ذئب الضان ما ياكل الشاه = خذ الخبر مني وهاته وده


الذئب هذا اليوم ما نسمع أعواه = كلٍ يفصل ثوبه اليوم قده


في حكم أبو فيصل عسى الرب يرعاه = العاهل اللي كلبونا نوده


حكم بشرع الله والحق مشاه = حلحيل ما ينحال والسيف حده


دستوره القرآن بإخلاص يقراه = وشريعة الاسلام له مجر هده


فهد إلى منه ومر ما عصيناه = تلقا القبيله بالأمر مستعده


لامن زعل نزعل ونرضا على ارضاه = ونمشي مطيعينه على كل شده


هذا كلام الصدق بأولـه وأتلاه = ماقول غير الصدق بأول مشده


والحمد للي تطلب الناس حسناه = الخالق الرازق جزيلٍ بمده


اللي خلق آدم من الطين سواه = جميع ما بالكون عارف بعده


اللي جعلنا أخوان والشكر لله = أخوان بالإسلام وضدٍ لضده[/POEM]
الشاعر/ عبيدالله دعيع الرشيدي

مسندالعويمري 26-08-2007 02:16 PM

رد : قال الرشيدي.(للشاعرعبيدالله دعيع)
 
جزله من راس جزل

صح لسان شاعرها عبيدالله دعيع الرشيدي


ولاهان دايم العز



ننتظر الجديد الجزل



وتقبل فاااااااائق احترامي وتقديري

عبيد الله دعيع 26-08-2007 05:34 PM

رد : قال الرشيدي.(للشاعرعبيدالله دعيع)
 
بارك الله فيك يادايم العز: دايم مشاركاتك جزله أشكرك جزيل الشكر وصح لسان شاعرها والقبيلة تستاهل قبيلة التاريخ والمجد والمرؤة والشهامة العربية الأصيلة
لك مني خالص التقدير وأوفر الأحترامn200678 :p n200678 :p n200678 :p n200678 :p

الولد العبسي 30-08-2007 09:59 AM

رد : قال الرشيدي.(للشاعرعبيدالله دعيع)
 
صح لسانك على القصيده n200678:pn200678:pn200678:pn200678:pn200678:pn2006 78:pn200678:pn200678:pn200678:pn200678:p

عبدالعزيز بن شري 20-09-2007 12:18 PM

جزله من راس جزل

صح لسان شاعرها عبيدالله دعيع الرشيدي


ولاهان دايم العز

ننتظر الجديد الجزل

أبو فايز العويمري 11-10-2007 12:16 AM

http://www.bani-3abs.com/upup/uploads/7bb2be1076.gif

القزم 11-10-2007 01:01 AM

http://www.bani-3abs.com/upup/uploads/de1000f0ac.gif


الساعة الآن +4: 10:37 AM.

Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
هذا المنتدى يعمل على نسخة في بي بلص