ألا يا ليل ياللـي فيـك لصابـر سهـر وآلام =علام الصبـر هـذا باسمـه الحالـي يسمونـه
يقولون الصبر محمود وصبـر والفـرج قـدام= ونا صابـر لكنـي مـا لقيـت اللـي يقولونـه
لقيت الصبر به كتمه وضيقـة بـال وستسـلام =هذا فهمي لكل الصبر فـي شكلـه ومضمونـه
ألا يالصابر اللـي تنتظـر وش تدبـي الأيـام =تبي تبطي ورى المقصـود والا قاصـرٍ دونـه
بعد وضعي تصرف والله المعبـود مـا تـلام =مدام الوضع يـا طيـر السعـد تـوه بكرتونـه
وأنا لولا الحيا اللي مقتبس من ملـة الإسـلام =عبرت البحر لوكـان النتيجـة غيـر مضمونـه
يا اما اني على الشاطي مع الفرحه خذيت وسام =اوا ني صـرت جثـه هامـده بالقـاع مدفونـه
لكان ان الحياء اللي قال لي قد جفـت الاقـلام =وهل يرضيك تاكل لقمة اللـي بيـضٍ اسنونـه؟
حرام اني ماذوق اللقمه اللي في عيـون ايتـام =ولا غّيرنظـام السنـه اللـي قـبـل مسنـونـه
انا افهم وش يجي بعد الضلام ونظرتـي قـدام =وعرف الحاجه اللي في ضمير الشخص بعيونه
وعرف اللي يشد ابه الضهر وملقبـن بحـزام =وعرف اللي يقـوم وثالـث الرجليـن حاجونـه
وعرف ان الزمن هو الزمن والفرق بالاعـلام =وعرف ان الدنيـه دانيـه خضـرى وملعونـه
اذا نبقـا ويبقـا فـي مكانـه دفتـر الارقـام =بجنب الشاعر اللـي يجتهـد ببيـوت موزونـه
لياطلة نجومك وانت هادي في ضلامـك هـام =نجومك ياضـلام الليـل سبـة هيـض مكنونـه