يامل قلبن يسج وفيه دولاجــــــــــــــــه = من هاجسن بالضماير قام يدرجــــها
في معزلن عن جميع الخلق وازعاجه = مااسمع من الناس لو تكثرلجالجــها
ماغير أهوجس تقول مضيعن حاجــــه = وأخذ وسند على روحي وأهرجــــــها
وأدوج لوكان مارجلي بدواجـــــــــــه = أدله النفس لين الله يفرجـــــــــــــــها
يالله ياللي بيدك الضيق وافراجـــــــــه = ياخالق الخلق ياقاضي حوايجــــــــها
تفرج العينآ اليانامت بسوهاجـــــــــــه = دكة عليها الطواري لين تزعجــــــها
وبالصدر ضيقه ونوم العين هملاجــه = وعيني من العام والسهر امتولجــــها
نوبن سهرها شديد ونوب نهاجــــــــه = ونوبن تكن الدموع ونوب تزعجـــــها
عليك ياللي بقلبي كن وهاجـــــــــــــه = وهاج نارآهواء الغربي يسارجــــــــها
يابو ثمانن تشاد اللؤلو العاجــــــــــه = كن البرد يوم تضحك في مفالجـــــــــها
قلبن يناجيك بسلوم الهواء ناجــــــه = يشكي لك الحال داخلها وخارجــــــــــها
أما التفت له وتم الوصل بمواجـــــه = وألا بلا عشرتن هذاي نتايجــــــــــــــها
وش ينفعك من حنين القلب واخلاجه = واجروحي اسبابها أنت ولاتعالجــــــــها