قبيلة بني رشيد - قصرك بالرياض وماكرك بالجدي

قبيلة بني رشيد (http://ban3abs.com/aa/index.php)

- قسم الشاعر (مساعد الرشيدي) (http://ban3abs.com/aa/forumdisplay.php?f=61)

- - قصرك بالرياض وماكرك بالجدي (http://ban3abs.com/aa/showthread.php?t=18168)

قصرك بالرياض وماكرك بالجدي

بادر.. بدور الغمام ولج مثل الرعد
واقدح لهم من رفيف البرق يا سيدي

نوضك يغيض الصدور اللي طواها الكمد
ويسيّل النور في وجهٍ كريمٍ ندي

بادر.. خطتْك الصدوف بجاه فردٍ صمد
انزع سواة الحرار وهل مثل ابردي

لايق لك الوكر وعنان السما والهدد
قصرك هنا بالرياض وماكرك بالجدي

يا فزعة القدس يا عزوة حبيبك فهد
يا قامة العدل يا ضيم الخبيث الردي

أظهر ملفك من أدراجك ولا تعتقد
يظهر من أدراجك إلا الزعفران يحدي

دايم قدومك يا بو متعب قدوم السعد
لا ضوّح النور خيّال الظلام يغدي

بادر.. فدتك القلوب اللي رواهاالحسد
تحري بها فزعة المضهود والمنحدي

خمسين عام وهدف صهيون (فرق.. تسد)
لين إنك أعليت يدك وقلت هذي يدي

مساعد الرشيدي