سجين وبقلبي من الهم طوفان =ونفسي من همومي تراها غريقة
حزين والدنيا غدة كلها أحزان =والحزن عيّا لا يوقف دقــــــيقة
إنسان كن بداخله عايش إنسان =وكلٍ يحاول يبتعد عن رفـــــيقــة
عايش على حلمٍ غفن فيه الأعيان=أصبح كما ماسٍ تباين بريقه
عيون ظبيٍ شعلت فيّ نيران =شبت بقلبي من المشاعر حريقه
بعيونها حلم الليالي والأزمان =وليلٍ يهيّب من مشى في طريقة
يا كنها وردٍ على حضر الأفــــــنان=وردٍ يعبر عن حلاوة رحيقه
جيت أرتوي من جمرها جيت عطشان =وأقفيت ضامي ما سقى الجمر ريقه
من الوله عايش على الوصل شفقان=وكني على كوكب مداره يعيقه
ومدري علامي صرت ضايق وحيران= وأنا أدري أنه حلم ما هو حقيقة