قال منهو به هواجيسٍ تجول = بعد شاف أرسوم شين فيه حل
أشهدٍ الشيب قرب للوصول = والشباب أقفا زمانه ورتحل
وهني من طاع ربه ورسول = حافـظٍ دينه ولا صـابه ملل
حافظٍ دينه ولاصـابه ملول= فـي حيـاته ماستهان ولاغفل
وأنتبه يلي بهدنيا جهـول= لاتـمادا بالـخطـايـا والـكسل
أغتنم نفسك نصيحه لك نقول = طـاعـة الله لبها قبل العمل
لا يغرونـك أمطبلة الطبول = محدٍ يدري متى يـات الأجل
أنت طرقين على ظهر الذلول =يانتها مشـواره الطرقي نـزل
لو يطول العمر لابد النزول = أيتدانا الشوف والجسم أنحل
عبرتٍ للي فهيمين العقول = يعتبر من كـان له بصر وعقل
كمل الميزان ما فيها حلول = ماكتب لك صار مافيها جدل
ويالله الغفران من يومٍ يهول = أحـد الدربين ماعنهن بـدل
جنتٍ نمشي بها عرضٍ وطول = أو سعيرٍ يحترق منها جبل
كل شين فوق هالدنيا يزول = ولايدوم إلا الولي راع العدل
ولشفاعه وعسى المسلم ينول = ياوسيع المد تغـفـر مـا فعل

أنت طرقين على ظهر الذلول=يانتها مشواره الطرقي نـزل