قبيلة بني رشيد - .. يأهل الثمد من حي مكاتي ...

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - .. يأهل الثمد من حي مكاتي ... (http://ban3abs.com/aa/showthread.php?t=17336)

.. يأهل الثمد من حي مكاتي ...

[frame="4 80"]ايها الاخوة الكرام زوار ومشرفي واداري منتديات قبائل بني رشيد الكرام ..
السلام عليكم ورحمة الله وبركاته .
هذه قصيدة قلتها وأنا في دولة الفلبين الصديقة وهي احدى القصائد التي قلتها اثناء رحلتي .

[poem=font="Traditional Arabic,7,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا أهل الثمد* من حي مكاتي * تحيه و احترام = البعد يجذبني غلا والشـوق يصلانـي صلـي

هذا وأنـا مانـي مطـول بالمكـان وبالمقـام = عندي شغل والليا انتهى ارجع وأعود لاهلـي
أقولها والنار في صـدري توعـرب باحتـدام =أقول في صدري ؟!وهي شبت بكل المجملـي
الشوق خلاني أجـاذب ونتـي مثـل الحمـام = كني كما طير (ن) مقيـد بالحديـد مكبلـي
شوقي يجاذبني وأنا وسط السماء بيـن الغمـام = حولي جبال (ن) خضر والدنيا ربيع (ن) مخملي
من وين ما لديت بعيونك تشوف أحلى نظـام = منظر جميل وكل شيء تقـول هـذا أجملـي
غابات فيها الصبح وقت الصبح يغشاك الظلام = فيها الشجر وراء بعض متسلسل (ن) متسلسلي
حتى البحر لون البحر صافي صفـاوه بالتمـام = صافي تقول اليوم من نقـع السحـاب منزلـي
من روعة المنظر تشوف الكون كله بإنسجـام = فيةأختلط لون السحايب مع مطـره الهملـي
وقت المطر قمت أتذكر يوم أنا طفل (ن) غلام = لا هل همال السحايب بأمـر عـلام(ن) ولـي
سجيت والسجه خذتنـي يـم ديرتنـا شمـام = يومي أشوف السحب تتجمع شوي وتنجلـي
تقوللـي وش ديرتـك وأقولـك دار الغـرام = مكانها بالقلب وسط القلـب عـال المنزلـي
دار(ن) بها من حبهم فرض(ن) عليه والتـزام = واجب على أحبهم وحبهـم حـب أولـي
واللي يزود الشوق فيني ودي على شوف المرام = اللي تملـك خافقي واللـي تملـك داخلـي
لا عاد تنشد يا على أقولـك مسـك الختـام =هاذي الثمد أغلى بلد لا عـاد تنشـد يا علـي [/poem]

* الثمد / القرية التي اسكن فيها وتقع شمال المدينة المنورة 150 كلم تقريبا .
* مكاتي / حي في وسط العاصمة الفلبينية مانيلا وهو الحي التجاري.

اخوكم ومحبكم / صالح بن سعود الرشيدي [/frame]