قبيلة بني رشيد - قـصيـدة [[ نوت وملوك الجـن ]]

هذه قصيدة لاتزال حديث المنتديات الخليجية بل وبعض العربية

والمجالس الشعبية والمجالس العلمية وتداولها

أهل العلم والأساتذة

وهي للشاعر :- ( ناصرالفراعنةالسبيعي ) أبوفارس

والقصيدة شدت إنتباة كثير من أساتذة علم التاريخ والأدب وكبار شعراء الجزيرة العربية

لما فيها من غموض والغوص في أعماق المعاني والتاريخ

ببحور لايعرفها إلا أهل العلم

فـ أحببت ان انقلها لكم هنا في منتديات قبائل بني رشيد

علـى قبراليتيمة"نوت"ثوبـي بالخـلا شقّـيـت
* ذكرت الله وشبّت في ضلوعـي حـربٍ أهليّـة

عقب وِتْرالسبع والخمس والتسبيح والتسميـت
* طيور الما علـى سلمـى تغنّي(طـاق طاقيّـة)

على باقي عرَق ساقي زجاجـة كاهـنٍ شمّيـت
* على قِرْنة حجاجـه نجمـة السِبْـط اليهوديّـة

على الجنب التهامي لبّسوني خرقةٍ فـي زيـت
* تلالى مثل وأري جمرةٍ فـي حـوض صفريّـة

على ساقة ملوكٍ من بـلاد الرافديـن أضحيـت
* أركّب سـنّ وأقلـع سـنّ لـو مالـه ولاليّـه

وفي ريشة جناحٍ من حمام الأخشبيـن أدويـت
* امّذْرِع شـان واقـرع شـنّ وابرقـع نصيريّـة

وعلى ظهرالنعامة سافروا بي سبعةٍ مـن هيـت
* إلى أعتى شعـوب الأرض الادنيّـة والاقصيّـة

ذبحت العبد الادريسي ونِجْل الطاغيـة حِبْرِيـت
* بأرض المغرب الأقصى طبخت من اللحـم نيّـة

على تابوت"نوت" أحيا وأموت أفنيـت ماأبقيـت
* ضربت الطـار وأجتاحـت عبيـد الزاركونيّـة

على قبر اليتيمة "نوت" أجدّد حسرتـي لاجيـت
* وأقبّـل ضاحكـات المـوت تحتيّـة وفوقـيّـة

على شانك يا"نوت"خطـلان البشـوت أعميـت
* أقـارع كـل ذو سِـدْنٍ وذو خِـدْنٍ وكوفـيّـة

على شانك يا"نـوت" روس الخاينيـن أدميـت
* أسرّج مِرْج..أمـرّج سِـرْج علويّـة وسفليّـة

على شانك يا"نوت"أضرب بحدّ مْصقّـلٍ اصليـت
* وكدنـا ننتهـي لـولا خيانـة عيـد الألفـيّـة

خبيثٍ من بني قومي سقاني حامـض الكبريـت
* قرَت وسطه عجوزٍ من ذوي حضـرم ظفاريّـة

وبسم اللي لهول اسمه تزلـزل منبرالسوفيـت
* نحَرها أعلـى ظهرهـا جُبّـةٍ بالسـمّ مطليّـة

ثلاث دهور أصـارع نافثـات الـزور ماذلّيـت
* أغيّب شمس وأدفن رمْـس والأصنـام مرميّـة

ثلاث أزمان أداقش مسرجات الجانّ في تكريـت
* ثلاث أزمان تمْر خلـي ملـوك الجـانّ رجليّـة

ثلاث سنين أعافـر نافخـات الطيـن ماولّيـت
* ثـلاث سنيـن أكفّـن قاريـات التيـن بيديّـه

وثلاث شهور ألاعي نـازلات الطـور ماملّيـت
* أجاوب جنب خيمـة ضاربـات الطنـب طبليّـة

وثلاث أيّام تنعاني سرايـا يـام ليـن أصغيـت
* أقـدّم كـوع أوخّـر كـوع يابيّـي ويابـيّـه

لذي الفيروز سـادن معبـد النيـروز مالبّيـت
* لغيـر الواحـد المعبـود ماأبـديـت مافـيّـه

بوادي برْك طارت بي حراير تُرْك يوم أمسيـت
* أعاشر ليـل عاشـر كـل ذي حمـراً نميريّـة

طباين سبْك تدبْك دبّك ساع أقبلت ساع أقفيـت
* لسرْدٍ شـرْد جـرْد مـرْد أصيّـح كـل قيسيّـة

ببطن القِرْش أعشّي حايمات العـرش ماغدّيـت
* وحرْش الطرْش اورّدها قليب الهرش عصريّـة

بوجه الحوت جلّ اللي خلقني ضيغـمٌ صنتيـت
* هِزَبْـرٍ ماتحـرّك منـه ساكـن ألـف سكنيّـة

ورب البيـت ماخلّيـت منهـم بيـت ماهدّيـت
* أهـدّم دور وأبـنـي دور والآيــات متلـيّـة

هـل المزمـار عبّادةلسـان النـار والباكيـت
* بني الإفْرَنْج قـومٌ مـن فرنـج الزنْـج مبليّـة

بكى سابور ذوالأكتاف في قصر الملـك بلْهيـت
* على نَيْكـل سقيفـة عابـد الهيكـل ضحاويّـة

تغطرس بِطرس النقرس وجينا له على التوقيت
* من أرض الفرس وأرض الروم جبنا القوم منهيّة

بعمّا والنبأ والخمس من سـورة سبـأ شدّيـت
* بقـوّة ماتواتـر فـي الليـال العشْـر مكـيّـة

أقمنا دولـة الأيتـام مـن حِلّـي إلـى حِلّيـت
* وآخـر عهدنـا مـاأورَدَتْ ليـلـى الأخيلـيّـة

وأنا ماهاضني فيما على بيض الـورَق خطّيـت
* شجـاعٍ لقّبـوه أحمـد ولـه شلفـا وشبريّـة

أعرف أحمد إلى جاءجاء وأنا لاشلت ماحطّيـت
* حامينا علـى وضـح النقـا والأرض محميّـة