السوالف ياجنيني طاولنّي=والعرب تالي نسو حسن الضيافه
والخوارج من تدني في تدني=والبلد مليان تهريج وطرافه
والحياه أكبر من اللي مسّ ظني=واوسع من أحلام الأنذال التوافه
والقصايد صنعتي والفن فني=والقوافل ماتحسب الاّ المسافه
ليه أعبّر غادياتٍ عارضني=وصك شحاذٍ على باب الصحافه
ماخذيتك ياجنيني بالتبني=ولاغذيتك غير حسٍ له رهافه
حطّ في بالك قبل ماتحتضني=ماأنت باللي ينتهقوى باأختطافه
لك علي مادمت منّك وأنت مني=ماتمرّك غير الانسام بلطافه
وأن دخل بك في ظلام الليل جني=لاتخافه لا تخافه لا تخافه
كلبوها سورتين وترجهني=يطلع المعتوه ويجيك اعترافه
والله أني ووالله أني ووالله أني=من رجالٍ في ملاقاهم حسافه
حقهم ماياصله راع التمني=وانتصافتهم ماهي باأي أنتصافه
أتفيّى في ضلال الغصن كني=شايبٍ رحّال شاف اللي يعافه
قلت خلوني على ليلاي أغني=وازعجو موالي دعاة السخافه
عصبة الخناس عشاق التجني=ملحقين أعمارهم ذلّ وكلافه
وش يبون الخاربين بقلع سني=آفةٍ لا بارك الله باأية آفه
لا سلام وكل نذل يحلّ عني=مابعد ملّت يديّ من النظافه
والسفيه اللي من العام امتعني=ماترك حتى النعامه والزرافه
إن مدح وإن سبّ والله ماشحني=إعتبرته تافه وستين تافه
والقصايد صنعتي والفن فني=والبلد مليان تهريج وطرافه