قبيلة بني رشيد - عبدالباري عبدالعزيز وعلي الهيفي

عبدالباري

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالهيفي الليلة نبا نلعب على البحر الطويل=خل البحور الميته فال الله ولا فالها
أبا العميل اللي يخلصلي عميلٍ من عميل=يومٍ بعض الناس لو تسكت يصير أشوالها [/POEM]

علي الهيفي

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامرحبا ترحيبتن تجري كما سيلن يسيل=للشاعر اللي يحكم الابيات وتم ارسالها
ابشر بعزك ياطويل العمر ياراع الاصيل=طبع الكحيله ياطويل العمر من خيالها [/POEM]

عبدالباري

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]فيك البقا يالشاعر اللي مالقينا له مثيل=ذكر الرجال الناس تعرفها بطيب أفعالها
الله يجمل حال رجالٍ مع أصحابه جميل=وإن شاف زلة من حدا الاصحاب صد وشالها [/POEM]

علي الهيفي

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عزالله انك منوة اللي جا يدورله قبيل=من خيرة الشعار والميدان ضم ابطالها
طبع العوج ماتعرفه لو انعدل لازم يميل=اسأل مجرب والبشر لاتخدعك باشكالها [/POEM]

عبدالباري

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عزالله إنك ياوسيع المعرفة ماانت ابخيل=طبع الاسود أليا جهلته تاجده باشبالها
لاتعيل يالهيفي وأنا اواعدك بإذن الله مااعيل=ما كل خلق الله ليا قالت سمعت أقوالها [/POEM]

علي الهيفي

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عاقل واميز كلمتي وافهم ولاني ابجهيل=قدام ماابدا بهرجتي احسب حساب ارجالها
وافي مع الطيب مثل شرواك يطلع لي حصيل=والحسنه قال الله مع المسلم بعشر امثالها [/POEM]

عبدالباري

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قاضي بلدكم حط بالتاريخ والسيرة فتيل=وانتم ذبحتم عمها فدية وسقتم خالها
ماتسمعون بقصة القاتل ولا معنى القتيل=تجار ملها بالتجارة غير رؤس أموالها [/POEM]

علي الهيفي

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بعض الرجال اليا فقدت دور وتلقاله بديل=وبعض الرجال اليا خسرت ماعادتلقا ابدالها
الوقت علمنا نعيش ابواقعن مااطولك ليل=بعض الدروس مشيبه للراس في اطفالها [/POEM]

عبدالباري

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياصاحبي حولتها لي من مديل إلى مديل=حذفت عني وارد البسام هي وعقالها
أنا أحسب إنك ياجمل لو زودو حملك تشيل=وأثرالأمور الكايدة مال الجمال ومالها [/POEM]

علي الهيفي

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياصاحبي مال الحموله الكايده الا شعيل=وانكان نوخت الحموله صاحبك يشتالها
ماظن فيك اقصور ولكنك مع حملك تميل=ليتك تشيل انت الحمول اللي تشيل اجمالها[/POEM]