سلامات كن البارحة ســـولفوا ربعي=بأنك حزين وحزنك اللي خطــف لونك
وانا بينهم مشغول في داخلي وادعي=عسى الله يجيرك لي وتسلم لي عيونك
أنا قلت لا تطلع ترى الناس جهل وعي=قليل بهم من يذكرالله...ويــــرمونك
بهم حية رقطا على سمــــها تســــعي= عسى الله يضر قـــــلوبــهم لو يضرونك
ولوهم دعوك لكاسة العصرتكفى عي=تعذر وقل يــادعي الخير.. مــــــمنونك
وإذا جيت تمشي امش بالشارع الفرعي=يكفيك عن عشرين مجنون ..مـجنـــونك
ترفق عليه ما معي حيل حـتى انعي= ترى لو يصيبك شيء ما عشـــت من دونك
أنا ادري حبيبي نوب ما يعجبك وضعي =لواني حداثي حكي ما شف ماعونك
أناني ..نعم ..وأحيان متخلف ورجعي=تحرر .. وأنا بـموت لمــــــا يشوفونك!
إذا جت عليك السالفة يخــتلف طبــعي=كسرت بجنوني حــــاجز الصمت في كونك
أناديك باسمك كن ما قد طرق سمعي=من الناس غير اسمك يا(...)علـى هونك ؟!