قبيلة بني رشيد - لاضاق صدرك وزاد الضيق واحراجه

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - لاضاق صدرك وزاد الضيق واحراجه (http://ban3abs.com/aa/showthread.php?t=1577)

لاضاق صدرك وزاد الضيق واحراجه

لاضاق صدرك وزاد الضيق واحراجه=سج القدم والفياف الخاليه دجها
ابعد عن الضيق واقطع مصدر ازعاجه=وكم ناس ماتة قبل تقضي حوايجها
وعلى قضى حاجتك رب البشر ناجه=الله هو اللي ليا ضاقت يفرجها
وان شفت امورك ماهي عدله ومنعاجه=ساير امورك على الراحه وعالجها
والرجل يعرف بامدخاله ومخراجه=ولاتقبل النفس غير اللي يخارجها
والناس لناس عند القل والحاجه=كم ناس ناس(ن)من الازمات تخرجها
وخاو الذي كالبحر بالطيب وامواجه=وترك ضعوف الرجال ولا تهرجها
رجل(ن)ليا جيت يمه طلق(ن)احجاجه=ماهو من اللي سواليفه يعوجها
واللي مخالفك في رايه ومنهاجه=قربك منه يتعبك وانفس يزعجها
وبعدك عنه يبعد الهاجوس وعلاجه=لاتعذب النفس في قربه وتحرجها
لوا تسكن ارض(ن)دهور ولا احد(ن)داجه=ارض(ن)خلين تبيح سد دايجها