الاياقلب ياللي من هواجيس الضحى وني=اليا منه طرالي ماطرالي ضاع برهانه
كما حنات قير ا اثنين وخمسين لي حني=وهو حمله ثقيل وضارب له قاع هشتانه
ومعه راعيه بلكروه وزاد الحمل طني=وتناوش نمرت الواحد وذبة وفخة الخانة
وتعرضله دعابيل مكيدات يبذني=غفل عنه الدريول لين حاش الرمل ذرعانه
عقب ماغرز الموتر تمنى السايق الفني=عرف نفسه غشيم ولاعرف لفات سكانه
قعد هو والمعاون في مكان يخلف الضني=يحيلونه وعيت تركب الويلات صيجانه
على زول من الازوال لامنه ولامني=جرى بيني ومن بينه حدث وغواه شيطانه
الاياليت من يدري وش اللي غيره عني=ابا ماشيه حق الله وكل دون وجدانه
عشير ماخذلني مدتن وياه متهني=ابوعين مثل عين الوحش لي هز جنحانه
نهود لاتفافيح ولاتينن ايحلني= تبايضهن تحامرن تهاوش فيهن الوانه
تطلق فوقهن شقر على المجمول يظفني=مثل ماقال ابن لعبون خانه فوقها خانه
واليا منه تبلج بالثنايا وظهر السني=حدر حمر الشفايا قلت للخالق سبحانه
على هاك الخدود اللي بليا نور يوضني=وخشمه سلت الهندي وخط الحبر حجانه
وانا لي من طرا عليه اعظامي لايشيلني=صدر وردوف نفس حاشته ماهيب خسرانه
وانا لوني عما جنس العذارا مايغرني=يقولون المجرب كد غلب دكتور دوخانه

اقتباس من مشاركة الوافي (المشاركة 124117) اشكرك اخوي على النقل الجميل وصح اللسان الشاعر قصيده جميله بكلمات عذبه