مادك دالـوب الحشـا تالـي الليـل=ضيّق محاريف الضلوع وحشرهـن
يتـل قلبـي تلـة الفطّـر الحـيـل=اللـي عليهـن جلـوةٍ وتعسرهـن
نوبٍ سنود يكزهـن حامـي الحيـل=عيـسٍ يفجـن الفجـوج بنحرهـن
ونوبٍ مع المحـدار فيهـم زرافيـل=الملـك للـي فـي كتابـه ذكرهـن
دلايـلٍ ماهـي هـروج ومواويـل=معطيهن الله صبر طيلـة شهرهـن
ضاق المجال بوصفهـن والتماثيـل=يملنّ وأزريت الوصوف أحصرهـن
الله يشتـت شمـل نقالـة القـيـل=ناسٍ تهد جسـور نـاس تعمرهـن
الحقد لو ماهو على عصـر هابيـل=لاأقول سار مع العـروق ودمرهـن
شيءٍ من الواقع مهو ضرب تخييـل=واقع مريرٍ والزمـن فيـه برهـن
ياناصر صويـان يامرجـح الكيـل=لله درّك والنـفـوس وقـدرهــن
عادات حلحيـل المهمـات حلحيـل=يرقى النوايـف مايهمـه وعرهـن
المسألـة ماأظـن تحتـاج تفصيـل=لانلحق الشرهـات ليـن نخسرهـن
رأيـي ورأيـك طالبـه دون تأجيـل=شلت الهموم وضام قلبي خطرهـن
يضونّ مثـل مرودمـات المخاييـل=دهمٍ تسابق سيلهن مـع مطرهـن
يـاالله ياقابـل صــلاة التنافـيـل=بأمرك شفاء قلوب البشر من كدرهن

مادك دالوب الحشا وسامر سهيل=وخلى عيوني تستلج بسهرهن
ألا زمانٍ شفت فيه التهاويل=حوادث الايام كثرت عبرهن
وتل قلبي تل دلو المحاحيل=على عدودٍ كل طرقي ذكرهن
مدهال بدوٍ حي ذيك المداهيل=بدوٍ تصدى لمن طمع في ديرهن
يومنها مابين قتال وقتيل=كم من عقيدٍ من دياره سبرهن
ينخى ارجالٍ يشربون الفناجيل=يبغى الغنايم والعدود وسورهن
وغزا وعود مامعه من محاصيل=ألا جنايز بالمقابر قبرهن
وهذي هي الايام بالعدل والميل=وشلون اميز طولهن من قصرهن
واليوم يامضيان جنك على إيل=بيوت شعرٍ غاليٍ متجرهن
جواهرٍ تارد على شاطي النيل=قليل من يعرف يغوص بنهرهن
بنات فكرٍ كنهن قرح الخيل=تاطا على روس الافاعي حفرهن
مع جرهدن مايشاف فيه الازاويل=أدنات شيٍ لاتحرك ذعرهن
متذيراتٍ عن علوم الاقاويل=علوم يامضيان وانت تخبرهن
اهل النمايم من بقايا هل الفيل=الله ولابعض النفوس وظفرهن
ارسل عليهم ربهم طير ابابيل=سبحان من ساق الطيور بحجرهن
لو ماخلق ربي تقدم وتاجيل=ماكان شفت من المعالم صورهن
ميرانتبه واحسب حساب المقابيل=ما يزرع الفلاح يحصد ثمرهن
وازكى التحايا عد وبل الهماليل=ياشاعرٍ جزل القوافي صخرهن

اقتباس من مشاركة ناصر الشويلعي (المشاركة 14660) السلام عليكم ورحمة الله وبركاته. أخواني الافاضل رواد هذا الصرح الشامخ ,, اقدم لكم هذه المساجله بيني وبين الشاعر ابو نوح مضيان عواد ,, وان شاء الله تنال على رضاكم واستحسانكم. يقول الشاعر مضيان عواد الشويلعي:- مادك دالـوب الحشـا تالـي الليـل=ضيّق محاريف الضلوع وحشرهـن يتـل قلبـي تلـة الفطّـر الحـيـل=اللـي عليهـن جلـوةٍ وتعسرهـن نوبٍ سنود يكزهـن حامـي الحيـل=عيـسٍ يفجـن الفجـوج بنحرهـن ونوبٍ مع المحـدار فيهـم زرافيـل=الملـك للـي فـي كتابـه ذكرهـن دلايـلٍ ماهـي هـروج ومواويـل=معطيهن الله صبر طيلـة شهرهـن ضاق المجال بوصفهـن والتماثيـل=يملنّ وأزريت الوصوف أحصرهـن الله يشتـت شمـل نقالـة القـيـل=ناسٍ تهد جسـور نـاس تعمرهـن الحقد لو ماهو على عصـر هابيـل=لاأقول سار مع العـروق ودمرهـن شيءٍ من الواقع مهو ضرب تخييـل=واقع مريرٍ والزمـن فيـه برهـن ياناصر صويـان يامرجـح الكيـل=لله درّك والنـفـوس وقـدرهــن عادات حلحيـل المهمـات حلحيـل=يرقى النوايـف مايهمـه وعرهـن المسألـة ماأظـن تحتـاج تفصيـل=لانلحق الشرهـات ليـن نخسرهـن رأيـي ورأيـك طالبـه دون تأجيـل=شلت الهموم وضام قلبي خطرهـن يضونّ مثـل مرودمـات المخاييـل=دهمٍ تسابق سيلهن مـع مطرهـن يـاالله ياقابـل صــلاة التنافـيـل=بأمرك شفاء قلوب البشر من كدرهن وإليكم هذا المرد على قصيدة ابو نوح . مادك دالوب الحشا وسامر سهيل=وخلى عيوني تستلج بسهرهن ألا زمانٍ شفت فيه التهاويل=حوادث الايام كثرت عبرهن وتل قلبي تل دلو المحاحيل=على عدودٍ كل طرقي ذكرهن مدهال بدوٍ حي ذيك المداهيل=بدوٍ تصدى لمن طمع في ديرهن يومنها مابين قتال وقتيل=كم من عقيدٍ من دياره سبرهن ينخى ارجالٍ يشربون الفناجيل=يبغى الغنايم والعدود وسورهن وغزا وعود مامعه من محاصيل=ألا جنايز بالمقابر قبرهن وهذي هي الايام بالعدل والميل=وشلون اميز طولهن من قصرهن واليوم يامضيان جنك على إيل=بيوت شعرٍ غاليٍ متجرهن جواهرٍ تارد على شاطي النيل=قليل من يعرف يغوص بنهرهن بنات فكرٍ كنهن قرح الخيل=تاطا على روس الافاعي حفرهن مع جرهدن مايشاف فيه الازاويل=أدنات شيٍ لاتحرك ذعرهن متذيراتٍ عن علوم الاقاويل=علوم يامضيان وانت تخبرهن اهل النمايم من بقايا هل الفيل=الله ولابعض النفوس وظفرهن ارسل عليهم ربهم طير ابابيل=سبحان من ساق الطيور بحجرهن لو ماخلق ربي تقدم وتاجيل=ماكان شفت من المعالم صورهن ميرانتبه واحسب حساب المقابيل=ما يزرع الفلاح يحصد ثمرهن وازكى التحايا عد وبل الهماليل=ياشاعرٍ جزل القوافي صخرهن اخوكم الشاعر// ناصر الشويلعي