|
ماجور يافكري 000
هدية لكل متطاول على هيئة الامر بالمعروف والنهي عن المنكر ماجور يافكري من الهم ماجور ماجور من كثر الفتن والبلاوي مهما حصل منتب عن القاف معذور دامك على مد الجزيله رهاوي سق الركايب واردع الظلم والجور من موقفٍ كثرت عليه الحكاوي خبر سمعته فالإذاعات منشور ومسجلٍ وسط الصحف والمطاوي الله يشلّ ايديك يا كاتب الزور يالمنحرف راع البدع والرشاوي حتيش لو أنّك مفكّر ودكتور فكرك ملوّث من جميع النحاوي منبوذ مالك فالوطن يالردي دور دامك على هدمه تحث الخطاوي وينك ووين حقوق الإنسان ياثور تدعو لْتبرج لابسات الغطاوي لاصار لاغِيره ولاعندك شعور ماهي غريبه ياخبيث الدعاوي اعمى وتتبع منهج العمْي والعور في موطن التوحيد ويش أنت ناوي !! امن العدا مدبّر ومنهي ومامور ماباقي ألا أنّك تصدّر فتاوي بإذن الولي خاسر وصاغر ومثبور بتموت ماتلقى لفكرك حراوي في هيئة المعروف مانسمع الشور في فضلهم مُنزل كتابٍ سماوي يعني لهم مبدا ومنهج ودستور ماسطّره واحد من الناس غاوي هم الذرا حمّاية الدار له سور على الهدى مايخلفون الهقاوي منصور يالنّاهي عن الشر منصور من غيرك اللي فالمهمّه فداوي ثبّت خطاك ، ومن هل الدار مشكور وارض الولي ثم المليك النداوي صقر العروبه لادعانا على الفور لَمره ورَدنا مثل وِرد الظماوي يجي جميع الشعب طابور طابور كبيرهم وصغيرهم بالتساوي لجل الشريعه دمّنا دايم يفور ثم الوطن نشريه لوهو غلاوي واهل الظلام اللي تبي تحجب النور نقولها كلمه لهم مانراوي : دام(ن)وطنّا مالكم وسطها دور روحوا وراكم ياكلاب الشواوي الشاعر: راكان بن محمد بن بدن |
رد : ماجور يافكري 000
صـــح السان الشاعــر
مشكور على هذا النقـل اخي محمد والله يحفظ بلاد الاسلام 4774bani-3abs |
رد : ماجور يافكري 000
احســـــــــــــــــــــــــــــــــــــــــــــــ ــــــــــــنت الاخيتيار
اشكلرك على النقل المميز تحياتي |
رد : ماجور يافكري 000
اللهم أحفظ بلادنا من كل شر يارب العالمين
كثرة التطاولات وكثرة التجاوزات ونسئل الله السلامه. محمد الذيابي دائم موفق بنقلك لك كل ودي |
رد : ماجور يافكري 000
صح لسان راكان ومشكور أخ / محمد على هالنقل الجميل |
رد : ماجور يافكري 000
اللهم احفظ بلاد المسلمين من كل شر
صح اللسان الشاعر علىى هالقصيده الرائعه وتسلم علىى النقل المميز |
رد : ماجور يافكري 000
الأخ / محمد الذيابــــــــي 4774bani-3abs نشكرك على هذه القصيده المتميزه والهادفه والتي ترد على من تطاول على هذا الجهاز المهم والذي له فضل كبير بعد الله بحفظ قدر كبير من الامن في بلادنا الحبيبه . اشكرك ولك تحياتي والى الأمام . . |
رد : ماجور يافكري 000
صح لسان الشاعر
والف شكر علىر وعة تقديم القصيدة |
| الساعة الآن +4: 08:49 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
