قبيلة بني رشيد - حنا بني عبس يشهد مجد ماضينا

يادفـتـر الشـعـر وقــف فــي قوافـيـنـا*
وسجل على صفحـة التاريـخ وأمجـاده

عــادتــك يـالـشـعـر لاقـمـنــا تحـيـيـنـا*
ومثلك لنا من حضـوره صـدق ميعـاده

حنا بني عبـس يشهـد مجـد ماضينـا*
بنـي رشـيـد الـوفـأ فــي فعلـنـا عــاده

في حاضر الوقت تزهى الرايه ايدينـا*
والطـيـب بأفعـالـنـا صـــدره ومـيــراده

نــــارد حــيــاض الـمـنـايـا لاتـعـزويـنـا*
لاقــام شـــر الـمـلاقـى يـقــدح زنـــاده

ورفـيـقـنـا عــنــه مــايـــوم(ن) تـخـلـيـنـا*
أهــــم مـاعـنـدنــا راحـــــة وســعـــاده

ودخـيـلـنــا لازبــنـــا عـــنـــه عــديــنــا*
عنـه الخطـر واهتنـى فـي لـذة رقــاده

والــجـــار مـاكــنــه الامــنـــا وفــيــنــا*
لوكادنـا الـوقـت جــار البـيـت مـاكـاده

وِان ضافـنـا الضـيـف رحبـنـا وهليـنـا*
ولـه مـن كــرم طيبـنـا مايسـعـد فــواده

والا الـعــدو وأعـــذاب الـلــي يعـاديـنـا*
يبشر بليل(ن) طويل(ن) يوجع سهاده

ولاقــول ربــي وحـدنـا بــس معطـيـنـا
علـى جمـيـع الحمـايـل نــوف وزيــاده*

لـكـن لـنـا مــع هـــل الـمـبـدا مبـاديـنـا
خيل(ن)وجيش(ن)وفعل رجال وسياده

قسـم(ن) لنـا ماخذيـنـه فــي يمانيـنـا*
حفيـدنـا بــه يعـيـد الـفـخـر لاجـــداده

مجد(ن)جـمـعـنـا بـفـعـلـه دنـيـآوديـنـا
سلم(ن)وعلـم(ن)وجـود وديــن وعـبـاده

ولاجحـد حقـوق القبايـل مـن حواليـنـا*
بكل القبايـل أسـود رجـال(ن) وسـاده

واليـوم فـي نعمـة الحـاضـر تساويـنـا*
في ضل حكم الشيوخ اللي لنـا قـاده

وخيرة جيوش(ن)عن العـدوان تحمينـا*
ودول عدل(ن)تصون الشعـب وأفـراده

نعمـة اســلام وسـلام(ن)بـه تساميـنـا*
وصرنا بعصر الحضارة نصف رواده

الله بــعـــزه يـــزيـــد بـــعـــز والــيــنــا*
الـقـايـد الـلــي بحـكـمـه عـزنــا قـــاده

وأخـر كلامـي عـلـى المخـتـار صليـنـا*
عـلـى نـبـي تبـعـنـا بـالـهـدا ارشـــاده

#الشاعر مسعود الرميح الرشيدي

#عبس_العالميه*
#بني_رشيد #الرشايده