بسم الله الرحمن الرحيم

.
.
.


والله ما نزل راسي وربي الله
إلا لرب البيت منجي نبيه
وان كانه يم النسب والمباهاه
عبسي رشيدي والموارد قويه
ان كانها يوم الفعل والملاقاه
افعالنا ماهي عليكم خفيه
كم شيخ قوم عن جواده جدعناه
من عاش يلعن من أمر بالغزيه
الطيب مبطي من سنين خذيناه
بحق الخوي والا بحق الخويه
الجار حقه ياعرب مانسيناه
لا والذي من الحوت اخرج نبيه
الضيف لاجانا نرحب وحياه
نذبح لهم كبش ويالله حيه
فضل من الله والله اللي عطاناه
الطيب فينا طبع من حسن نيه
جمرة عرب نحنا السيوف المحناه
إن عودت للعنف والجاهليه
اذا زبنا اللي مجلى من اعداه
كأنه حدينا آمن وله مقدريه
علي ذكرها قالها يا اهل الجاه
شهد بها رجل الوفا والحميه
من لابتن تثني اذا صارت رماه
حرب العريبه اللابه الصيرميه
كلام ابن شرار يوم المعاداه
تحلبوا اللي بقى من الرعيه
ابن العريمه يوم الغلب راعاه
قال الحقيقه خاف رب البريه
هذه شهادات الشيوخ المسماه
خل المطامر والعلوم الرديه
الكلام الخاطي ترى الحر يباه
الحر يجزع لو تحرك الدليه
حق القبايل ياعرب ماجحدناه
الكل دون عانيه في كل هيه
نحن الولاء لله ولاهله مابقناه
ندرس ابنائنا لحفظ الوصيه
كم من شهيداً للوطن قد عطيناه
اللي مكذب يراجع الداخليه
لنا الفخر بالنفس والمال نفداه
تبقى السعوديه الحرة الابيه

سعود بن مرزوق المهيمزي