قبيلة بني رشيد - بس امير الحرف ذيله مثل ذيل ابليس يومي

محاورة بين العمدة وعبد الباري
العمدة بداية طلب أمير الحرف2 ورديت عن أمير الحرف
العمدة

العدود الهـا ثـلاث ايـام ماشفنـا وروده=بس امير الحرف ذيله مثل ذيل ابليس يومي
القراده قادته وظهـر لنـا خافـي سـدوده=وطاح في وجه الرماه اللي عطيبين السهومي

عبد الباري

مرحبا بالصاحب اللي سيرته بيضا محموده=يرفع الراية على رأس الشجاع من الرخومي
الشقى ماحبه الله مانبي نقصه وزوده=خل خلق الله تذب أقدامها سود الحزومي

العمده

البقا بالصاحب اللـي بالشعـر يرقـا سنـوده=وسط سوق المشترى ياجاه يعرف وش يسومي
انت تدرن الخطا يامـن تعـداء عـن حـدوده=يجرح المسلم وهـو لمسببـه مالـه لزومـي

عبد الباري

صاحبك بيت الشعر وأن عودت ناصر عموده=أعربي ولد أعربي مافي حدا ولْديه رومي
ارفع الانظار لاتصير ابمساحات محدوده=لاتصفق للفريق أشوي ويروح مهزومي

العمدة

انت وش سويت بيتك ليه ماتوضـح بنـوده=انت ناصر اوانا بلشت فـي عـد الرقومـي
حاظر ارفع شوف عيني ولانجي صنعا وزيوده=كل رجالٍ مثل شـرواك يـدرى ومحشومـي

عبدالباري

أنت ناصر والجمل مايعض في مقطع عضوده=عارفينك بالدفاع وعارفينك بالهجومي
الحبال اطوال واكثرها على الشر أمعقوده=خلنا نسرح ونمرح بالعمايم والهدومي

العمدة

اسر ياسرحان مع ضلعن تقادح به حيـوده=ومن حلال البدو ياسرحان مانته بمحرومـي
اترك الموضوع الاول والهواء ذع ذع بنوده=وستلم مني وعطي ياعسى راسك يدومـي

عبد الباري

عد رامه ياطويل العمروالله مانعوده=لين أشوفك فوق عد أرماح في يمناك تومي
والجحش حذرا تقوده والوعد مني ماقوده=أتركه ياكل خشاش الأرض ويشيل القرومي

العمده

كان يمناي اعقبتكم غير اقصه مع زنـوده=والله اني ماعقبكم ياعزيزيـن السلومـي
الجحش ماهو جحش هذا معربتن جـدوده=لاخطف له شاعرن من سطوته عيا يقومي

عبد الباري

العرب عقبك ياشيخ القوم بالليل امهجوده=يوم رحت أشوف بعض أطيور مشذوبه تحومي
وين راح الصاحب اللي ماوثقنا في عهوده=أنت عقبه كن قلبك سج من كثر الهمومي

العمدة

انت تلوي شطر واخر فيه من نوع البروده=الهجاد يفسرونه عكس عاكست العلومـي
اصبر وياتيك الخبر با كر يجي يرفد قعوده=طالع اله باسم رابع ويهجد ربعك عمومي