ام المفاتن
 

امسيت كني ضارب ن خمسه حبوب...من قوة الرفعه تقل في سحابه....
ولاكما من شربله حر في كوب....من قوة السكرة رقد في خرابه....
ولاكما من بات في سجن مقضوب....منسوب لا ل جرام قايد عصابه....
ولاكما من راح في غدر منكوب....مكلبش ن بسباب صاحب وشابه....
ولاكما من طاح بيدين ناهوب....برض ن خلا ماخوذ غالي زهابه....
عجزت اميز بين عنتر وشيبوب....واحترت مابين القراء والكتابه....
وازريت اطفي نار تلعبها هبوب....في وسط جوف ن ماجراله غرابه...
.من عقب ماهو يبحر بلنش مركوب....خلى البحر واللنش هذا رسابه....
ومن عقب ماعدى على روس وهضوب...اليوم في البيداء ينوخ ركابه....
الحال من لون الجفا صار مخضوب....الوانها تزها وحلو ن خضابه..
.مدري خذاه الوقت او راح مغصوب...والا انزعوها مروحين القرابه...
وجدي عليها وجد من طاح مغلوب....مزروق في رمح ن نهار النشابه....
او وجد من خلي على الدار مكبوب....عودن كبير ولابقابه مهابه....
وادق قلبي دقت اللحون موهوب...على الوتر والعود جاب الاجابه....
او حن قلبي حنه حوار مجلوب....راعيه من بين الزمل راح جابه....
عليك ي خلن له القلب مجذوب....جذب الرسن بيدين راعي الحرابه....
عييت لا انسى راعي وساع الاهدوب....سود ن نواعيس ن و فيهن طبابه....
ام المفاتن تحتهن خصر مسحوب....مشبرن مبروم حلو انسيابه....
عزالله اني عقب فرقاه مسلوب....وعانيت من مر الزمن وانقلابه.....
حسبي عليك الله ي اعز محبوب....مرمرتني وارديتني للكآبه....
عقبك بصك القلب ي زين واتوب....قلبي عقب فرقاك مصكوك بابه.... / ع.... المقوعي

صح ابدانكم.. وحياكم الله ... وشكرا ع مروركم العطر

صح بدنك ..... حياك الله ياراس ابو مشعاب