انا فرسك اللي جموح وسبوقه =وانت لها بين الرجاجيل خيّال
قلبي بدونك من يبلّل عروقه؟ =من يعزف اوتاره اغاني وموّال؟
لك كل عشقه لك حنانه وشوقه=غمازتين الخد والخد والخال
لك نخلة الخافق وتمرة عذوقه=الدم قهوه والشرايين فنجال
لك بنستي خصلات شعري وطوقه=الغرّه الشلال والميش والشال
لمصافحك كفّي عجولٍ شفوقه =بعض المشاعر بس باللمس تنقال
اظما لصوتك لاتصالك واذوقه =لو ما انت ما والله طلّعت جوّال
غيرك ولو هامور الاسهم وسوقه=لوكان جاوز مال قارون بالمال
لو ترزم ارعوده وتكشح بروقه =ما بيه زوجٍ لي ولا بيه رجّال
ابسرقك اعجابك واصير السروقه=ابملكك كلك من يمين وشمال
يا موضة الموضه ويا ذوق ذوقه=من سكبة شماغك الى ميلة عقال