والله إني من أقصي العلم جبت الوكـاد=يوم كثرت علـوم النـاس يامحمـدا
يوم شفت العرب بالعلم تشري الـوداد=قلت أبا أنبـه التايـه ببعـد المـدا
قلت أبا نبهه كـان الهـدف والمـراد=مزنـتٍ هـل وبـل خيالهـا ورعـدا
قلـت لـه والنوايـا مادخلهـا سـواد=والله اللـي بخافـي صدقهـا يشهـدا
أنت من وين ملفي خطوتـك بالجـواد=ياعساها عساهـا مـن ديـار حـد دا
قال لي والله إنـي مـن ديـارٍ بعـاد=من ديـارٍ تفتـر حيـل جيـدن عـدا
من ديارٍ يحد المـاء جنـوب الجـلاد=ووجهت الغرب عنـا ديرتـن للعـدا
قلت يامرحبا بـك ياعريـب الجـداد= مرحبا بك هـلا حييـت بـول بـدا
أنت طرقي ولـك حـقٍ ورب العبـاد=ولا أنت والله بساري وسط ليل أسـودا
والله إنـك لتمسـي والكرامـه تقـاد=بس بصرك تخير هي عشاء أو غـدا
ولا تقافت ثـلاث أيـام لـك بعتمـاد=مع لياليهن أسمح لا قضـن وأهتـدا
ويوم تمـم ثـلاث أيـام لـه بالقعـاد=قال ترخص لضيفك قلت أنا لـه هـدا
قال أبا أنشدك أنا عن وجهت أهل العتاد=وين وجهت خطايه لا نويت أعمـدا
وين يمت خطاوي رجل غصبٍ تقـاد=في هوي الخافق اللي فيه مالـي جـدا
لي حوالي ثمان سنيـن مجهـد جهـاد=في منات الذي هـو تـو مـا وكـدا
جيت عانـي لهـا والله أنـا بجتهـاد=من سمعت المنادي وخافقي مـا هـدا
قلت له كان تبغي شور رجـل المبـاد=شور رجـلٍ يخـاف الله ولـه يعبـدا
إقلـع الفكـر عنهـا يـم ذاك الركـاد=وإن تشره عليك القلـب فيهـا جحـدا
ياوسيع المعرفه شفـت ذيـك البـلاد=إحتماها لـي المرحـوم عـن هالـردا
محتميها من اللي يحتـرون الحصـاد=وكفل الله يبيحـه فـي حماهـا أولـدا
قال مخطي تراك أخطيت مامن سـداد=قلت له بالطلايـب مـا نـدور حـدا
لا توجهت يم الغـرب صـار المعـاد=عن يمينك وصار يسار قصر النـدا
ولا جت بخاطره وأقفي وعود وعـاد=قلت أنا له أنا لـه يـوم عنهـا غـدا
كل زلـه أنـا أدمحهـا بليـا عنـاد=غير ذاك الخطـأ لا صـار متعمـدا
إيـه هبـي عليـه ياهبـوب البـراد=والله أنـي نويتـه مـع دنايـا حقـدا
والله أنـي لا حملهـم ثقيـل النـكـاد=لين أشتت هلايـم مصبحيـن إعضـدا
ما ضروا للشدايد من قدحـت الزنـاد=قـام كـلٍ يـدور فـي خويـه فـدا
وأحمد اللي وهبني طول صبر ورشاد=وسط نفسٍ عفيفـه وأشكـره وأحمـدا