يوم ابن موقد نوانا بغاره=يبا الطمع متخيرٍ كل مغوار
مواقدة جونا سوات النماره=ذرفين الايادي من صلبين الاشوار
جونا كما سيل ضرب له قراره=قبل طلوع الشمس مع فج الانوار
وقمنا عليهم مع مبادي نهاره=وتعاقبه صم الرمك والدخن ثار
وياسرع رجعت جيشهم بإنكساره=نصرمن اللهربنا والي الاقدار
اللي سلم منهم تنحى لداره=اقفى معيف ولايعود لها الدار
في غارته ياما خسر من خساره=أقفى حزين ضايق البال محتار
خلف شرب من كاس بقعا مراره=عقب القهاوي شرب كاسات الامرار
يوم إن ثاري باللقا شب ناره=وأركا على جيش المعادين بالنار
واحد نشوفه طايح بالمعاره=عليه هلي دمعتك يم دوار
ربعي على كبد المعادي حراره=أحر من سم السقطري ليا سار

اقتباس من مشاركة سعد الرشيدي (المشاركة 13198) راعي البلها اشكرك على هذه القصه والقصيدة المشرفه اخوك سعد

اقتباس من مشاركة مفلح الخضيري (المشاركة 13205) راعي البلها اشكرك على هذه القصه والقصيدة المشرفه مفلح الخضيري