وا طيري اللي ماضي (ن) له تجاريـب=للطيب فـي وجهـه تشـوف المـواري
طير(ن) كفوفه مـن فعولـه معاطيـب=صاد المها من عقـب صيـد الحبـاري
مـاص (ن ) يفـك مغلقـات اللواليـب=طير السعد طير (ن) من الريش عـاري
مافيـه شـك ويتبـع الطيـب للطيـب=ذلقة سنـان(ن) ماضـي الفعـل فـاري
مشعل نـدى علـى عاليـات المراقيـب=عليـه يسـري بالدجـى كـل سـاري
أبعد من النسريـن بعـده عـن العيـب=وان غلى سعر الطيـب للطيـب شـاري
محفـظ(ن) مافيـه شـك ولا ريــب=شبل (ن ) ترعرع بين نمر (ن) وضاري
يعرف ليـا كبـرت عليـه المواجيـب=وباللي خفـا كنـه عـن الغيـب داري
وان زاودونـا بالفـعـول الأجانـيـب=حـنـا بـذخـر الوايلـيـة نـمـاري
للـوارد الظامـي فتحتـوا مشـاريـب=وكرسي شريعتكم سيـوف (ن) هـواري
يامير بشكـي لـك فعـول الرعابيـب=مـن واحـد دايـم لعقـلـي يـبـاري
منـه الضمايـر يابوخالـد مصاويـب=طفل (ن ) سلب مكنون عقلـي جهـاري
أنوح نوح الورق واقنـب كمـا الذيـب=وعليه جار(ن) لي مـن الحـب جـاري
الميت ما يصحـى علـى شقـة الجيـب=ولا ينفعـه بالقـرب سفـك العـبـاري
اتبـع دروب العـز لوهـي مصاعيـب=ان شفت من ربعـك صـدود ونكـاري
والمبغـض المقفـي كثيـر العذاريـب=لاتتبعـه لـو هـو جديـد الأثــاري
والغبن يـرث بالفتـى واضـح الشيـب=وعند العفون الطيـب مـا لـه محـاري
النـاس تامـن مـن رجالـن غواليـب=وصار الخطر مـن بايهيـن الـذراري
علـى الحـرار محرميـن المراكـيـب=وحطـوا عليهـن الحـدا والسـبـاري
والعبـد مزبانـه علـى عالـم الغيـب=ويوم الحشـر كـل الخلايـق عـواري
أرجيـه لـو الخلـق منـي مغاضيـب=وبامـره تهـب الكاينـات الــذواري