الله يابـو نايـف علـى سـجـت عصـيـر=مـع خايع(ن)قـفـرن لطيـف(ن)بـراده
ورا عـطــايــا الله صـــفـــر مـغـاتــيــر=ومع الرجال اللـي لهـا الطيـب عـاده
اهـل المواقـف فـي نهـار المعاسيـر=الـلــي فعـايـلـهـم فـعـايــل وكــــاده
الـلـي لكـسـرات المـراجـل جبـابـيـر=ولادوروا هــــاف الــكــلام اصـتـيــاده
وللمرجـلـه يسـعـون قـبـل الدنـانـيـر=ولـلاخــرة قــبــل الـمـنـيـه هــجــاده
وفي مجلس(ن)مافيه للكذب تصوير=ولابــه سـوالـف مـاوراهـا استـفـاده
سوالـف(ن)بـالابـل وبـهــدت الـطـيـر=حـر(ن)مـجـهـز لـلـحـبـاري هـــــداده
وقـت العبـور اللـي غنـات الصقاقيـر=وراع الـولــع لـصـيـد غـايــت مـــراده
سوالف(ن)بالطيـب مـاهـي باتـزويـر=مـاهـي سـوالـف بـالـخـزا والـنـقـاده
سوالـف(ن)الـهـا النـشـامـا مـداويــر=والـعــز فـيـهـا والـفــرح والـسـعــاده
مـع الرجـال اهـل الوجيـه المسافيـر=الـلـي بـهـم لطـيـب صـبــر وجـــلاده
شــرواك يامـذكـور بالطـيـب والخـيـر=وعـز الخـوي لاجـاك يـشـك النـكـاده
يابـن الرجـال الـلـي تـقـود الطوابـيـر=زحـول الرجـال اللـي للمـجـاد قــاده
اللي رسوا بالطيـب كاطويـق والنيـر=وسـؤ الخصيـم الـلـي تـزايـد عـنـاده
عتيبـه الـلـي بالشجـاعـة مشاهـيـر=ريــف القصـيـر وعــز منـهـو سـنــاده
حــر(ن)ولا اتـعـذر لـيـا صـــار تـاخـيـر=ولجبرت في وقت العمـل واضتهـاده
ولاشتكي ظلمي من حسين والغير=لــيــا ظـلـمـونـا بـالـعـمـل بـالــزيــاده
لــو ان رزقـــي عـنــد وال المـقـاديـر=اللـي تصـلـي لـيـه وتسـجـد عـبـاده
سجت عصـر هـزت غصـون التفاكيـر=وخلـت شعـور الشعـر يـقـدح زنــاده
عصرن تلاعـب فـي هـواه العصافيـر=ويجـلا هـمـوم المغـتـرب عــن بــلاده