مرثية بالشهيد بأذن الله

عبد العزيز سعد العريض


للشاعر عواد سعود العريض

مرحوم ياللي وقفته ترفع الراس = وقفة شرف ما هي مواقف دنيه

عبد العزيز معرب الجد والساس = من لابتً بالضيق فيها حميه

يومَ حرب الطاغيه دق الاجراس = وصله مافكرفي حياة ومنيه

في روحته ياهل الوفا كل نوماس = ماراح الاجل انه يحصل هديه

يقول يابشارمعدوم الاحساس = وراك تقتل بالنفوس البريه

جيناك لوعندك مدافع وحراس = والى ذبحنا من ورانا سريه

يبايجونك عشر واخماس واسداس =يابا الكماوي جوك بالبندقيه

ان كان معك الروس وايران وانجاس =حنا العرب سكان نجدالعذيه

قدامك معمر بالاقدام ينداس =وانته لحيقه قبل عيد الضحيه

يالكافر الملحد ترا الناس لناس=والعز لله والرسول ونبيه

جاهد بحق الله وبحربكم داس=من روس عبس مسجلن بالهويه

ولنا الفخر في موت قطاع الارماس =ابن سعد والعزوه عويمريه

وتفاخرن يالبيض في تاج ا لا لماس =تفاخرن باهل الفعول القويه

جعله شهيدا عند خلاق الانفاس =من النفوس الطاهرات الزكيه

وختامهاماهب للفجر نسناس = صلو على محمد صباح ومسيه