شف ما ترى يالقلب واكتم سدودك = عن واحد يأخذ سدودك ويشناك
خلك على الدنيا تعيش بسعودك = ما لك غرض في عرف هذا ولا ذاك
على الخطايا لا تقوي جهودك = العقل زين وسامح اللي تحداك
ترى التسرع بالخطا ما يرودك = إلا بفعل يخلفك عن نواياك
لا تخلي الشيطان دايم يقودك = ان طعت راي بليس للشين وداك
خلك من الدنيا نظيف جدودك =محدن لسانه في غيابك تقفاك
وليا مشيت الحق واجد شهودك= وليا هرجت الحق كل توحاك
لا بد من يوم تقضي حدودك =لا تخلفك دنياك والموعد هناك
خلك ليا قضيت تذكر عهودك =لا بد ما ترحل وتقفي مطاياك
خل الذي ينصي محلك يرودك =اليا شكى غيرك تذكر سجاياك
خل الفهامه والعداله تسودك =وليا حكمت الحق لا تظلم إعداك
بعض المصالح للمعاضي تقودك =بعض المصالح يشهدن في خطاياك

مرشد البذال
شاعر غني عن التعريف
كلك ذووووووووق للنقل الرائع