قبيلة بني رشيد - خليفه يوم شعري طراله

اليوم سجن في للماض الاذكار=وذكرت وقت(ن)فات وقفت لياله
وغنيت لي بيت(ن)رجع في مشوار=شعر الذي ماغاب عني مجاله
لشاعر(ن)ساق الشعر سوق الامهار=فهد خليفه يوم شعري طراله
لو غاب عنا حاضرن قدم الانظار=ابن الذي لطيب وصلت حباله
راع الكرم والطيب ومكرم الجار=و اوجار ناره حاميات(ن)دلاله
وفي مجلسه ماكثر الهرج ثرثار=ولا من نقل هرج النفاق وسعاله
عودن حمى بيته باعسرات الاسوار=عن النمايم والردا وانذاله
بالدين قضا العمر لاخطا والاغار=على رفيقه لو خسر من حلاله
وصبح ومساء في مجلسه شبت النار=المجلس اللي فيه طيب ورجاله
مجلس كريمن مايحسب للاخسار=ينسى الهموم اللي من الضيق جاله
مجلس ابن حمرون للفوه خطار=لقوبه علوم الكرم والشكاله
خليفه اللي عل ماتمسه النار=اللي رفيقه فيه ماضاق باله
علي نذر اني لمجد بالاشعار=ربع(ن)لهم بالطيب سمعه وقاله
مارحت لفعاله مع الناس دوار=انا حياتي واحدن من عياله
ويالوقت ماتغيب عزيزين واخيار=ماتغيب اللي طاب بالذكر فاله
رجال(ن)تقف بالطيب من دون الاضرار=اللي مساعيهم ورا كل طاله
ماهو من اللي مايتفشل ولايغار=مدهال رديان البشر والحثاله
ماتغيب الاضايع القدر والكار=منكر اهل المعروف واهل الجماله
وقدم العمر لو طال قصاف الاعمار=ومن ماقضاه بعز وعزتاله
والحكم ماثبت على الحكم بشار=لو ان جيشه ماتوانا قتاله
وحكام قبله محسبوا يوم الاقدار=وشعب(ن)هزمهوا بالمعارك نضاله
فنوا كما تفنا من الارض الاشجار=واقفوا بلا دوله وباقي سلاله
والرجل مايعزه ريال(ن)ودينار=لو منحصى في عدها كثر ماله
لاصار ماهو لمهمات جبار=وكل(ن)بحزات الشدايد عناله
واللي بفعله لقرب الناس غدار=الله يعجل في حياته زواله
واللي ورا الاقراب بالهرج نشار=بالكذب والنمات يومي عقاله
ومتلبس(ن)جسمه جراثيم وغبار=ولافيه فعل(ن)بالردا ماعداله
يجري ويمسك مثل مايمسك الفار=ويحكم بحكم الله حكم العداله
سبحان من يكشف خبيثين الاسرار=لناس بفعال المكر والحياله
ومن التجارب تاخذ الناس الاعبار=وانا معي من التجارب وكاله
وكان الشقى والهم له بحر وانهار=ومن طبها في حالته يرثاله
انشهد اني ذقت انا كل الاعزار=وللقا بوقت الضيق من ينشكاله
وفي التجارب ذقت انا حلو وامرار=ومن الزمن ذقت العنى وانكاله
انشهد اني خضتها خوض الامطار=بالسيل الاقامت تهادر ادحاله
واضخم تجارب خضتها غيب وجهار=وفيها قضيت العمر مسموم حاله
خذ التجارب وانت في سوقها اختار=جتلك نصايح من مجرب رساله
النخله الاماورا غرسها اثمار=شلها وتلقى بالمزارع بداله
واصبر ولو طال الصبر وانت صبار=ولاتصير من عندك مباد الفساله
وخذ اليمين وخل فعل الردا يسار=لين الصبر تاقف على حد جاله
وليا نزلوا فيها عديمين الاشوار=اذبح لها قبل التمايم انزاله
لاتشتكي لناس بالامر محتار=دام الولي دايم عليك اتكاله
واللي يثورها ومن بعد سبار=خله يموت ولايتحقق خياله
ومن يستمع لاشوار عيمان الابصار=مارد في دعواه حق(ن)غداله
ولاتعتذر لصاحب الغالي البار=اللي عنك ضيم الزمان ارتكاله
وناس(ن)تجاملها بتقديم الاعذار=وناس(ن)تشيل الظيم عنها جباله
وعزاه يادارن جفت صاحب الدار=وغدت لزبال المحارق زباله
لو ولعت في ليلها صفر الانوار=بيت(ن)هدامن مايظلل ظلاله