قبيلة بني رشيد - اليوم ابنخا عزوتي عبس ... بقلم الشاعر حسين ضويحي المهيمزي الرشيدي

بسم الله الرحمن الرحيم
السلام عليكم ورحمة الله وبركاته

اقدم لكم اليوم قصيدة للشاعر / حسين ضويحي المهيمزي الرشيدي

ينتخي ربعه عبس لعتق رقبة بكر

...

اليوم ابنخا عزوتي عبس تكفون
ياعزوتي وقت النهار الشديدي
تكفون ياربعي اهل الجود والعون
ياعزوتن وقت الشدايد رصيدي
انتم رجال بالمواقف تسدون
بكر ينادي خلف سور الحديدي
صوته يناديكم ولازم تردون
فزعة رشيدي لافزع مع رشيدي
سبعة عشر مليون بتهون بتهون
مادام فوق الارض يمشي رشيدي
لان الرشيدي بالمواقيف مضمون
هذي الحقيقة والكلام الاكيدي
يابكر حنا لك درع وحصون
لاتخاف دام الصوت سمعه رشيدي
جينا على شانك فزعه وعون
حنا طنايا عبس والعلم اكيدي
كل شي غالي دون راسك يبي يهون
نبيع مانلقاه وتملكه الايدي
ربعك قبايل عبس بالطيب يحرون
شوحاتهم بالطيب دايم تراها بعيدي
بامر الله اللي دبر الخلق والكون
نفرح بشوفك وانت شوفتك عيدي

ولكم تحياتي,,,

اسال الله العظيم رب العرش الكريم ان يعجل بفرجه وفرج كل مسلم