قبيلة بني رشيد - سـلـطـان يـاسـلـطـان يـامـكــرم الــجــار

الـبـارحــه لـيـلــي هـواجــيــس وافــكـــار=وهـــم(ن)يـــزاورنــــي وهــــــــــم(ن)ازوره
ومن الخطا اصبحت كني علـى نـار=مـــن رد نـجـس(ن)كـدر الله ســــروره
نـذل(ن)لــعــلــه للهزيـــمــــه والاضــــرار=والله يــعــقـــد فــــــــي حــيـــاتـــه امــــــــوره
الــلــي عــلـــى عــثـــرات الــجـــواد دوار=واللي خبيث(ن)بالمجالـس حضـوره
ودايـم هـوا نفسـه باتكشـيـف الاسـرار=نـذل(ن)عـلـى الـفـنـات دايـــم عـبــوره
لـــوهـــو تـــحـــلا بـالــرجــولــه لــلانــظـــار=دون الــمــراجــل قــاصــراتـــن شـــبــــوره
اللي بفعله نجس وانجـس مـن الفـار=وعلـى الـردا والخبـث شيـد اجـسـوره
ويالعـايـضـي عـلــه لـقـصـاف الاعـمــار=والله يــكـــثـــر مــــــــن زمــــانـــــه ثــــبـــــوره
ودايــــم عــســا داره مـعـاصـيـر وغــبــار=ودارن مـــن الاجــــواد دوم امـهـجــوره
وفيهـا البيـوت امهدمـه كـل الاســوار=ولا عــــمــــر الله بــالــمــعــزه اقــــصــــوره
والله لايــــوفــــق عــديـــمـــن الاشــــــــوار=وديـــارهـــم لـــعــــل مـــاهــــي امــعــمـــوره
ولـــــو اعـمــروهــا مـاتــوفــق بــالاعــمــار=وعـســا الـدهــر فـيـهــا تـخـيــم دهــــوره
ولاوفــــــق الله كــــــل ظـــالـــم وغــــــدار=ولا اسـتـر الله لاهــل الـكـذب عـــوره
الـلــي رداهـــم طـبــع لـكـبــار وصــغــار=وفـيـهــم رديـــــات الـفــعــول امـخــبــوره
ماهي خفا مكشوفت(ن)سر وجهار=ونفوسـهـم عـلـى الخـسـاسـه جـســوره
يـجـري رداهــم مـثـل مـاتـجـر الانـهــار=وعـــن الـعــدل فـيـهـم عـواجــه وعـــوره
وقريـبـهـم دايـــم عـلــى الـغـبــن صــبــار=ولــيــا كــســره وقــتــه تـهـنــوا اكــســوره
هـب الوبـاء فيهـم مــن ايـمـن وايـسـار=وفيهـم عـسـا المـولـى ينـمـي اجــذوره
ولعـلـهـم فـــي وجـــه بـركــان واعـصــار=مفنـيـن صـبـر اهــل النـفـوس الصـبـوره
لاصــــــار مــابــهــم لاحــمــيــا والاثــــــار=ونـفـوسـهـم مــاهـــي نـفـوس(ن)غـيــوره
ضاقتبهـم الارض مـن كـل الا قطـار=والـهــم غـاصــو مـــن شـقـاهــا بــحــوره
لاصــــار مــاهــم بالـمـهـمـات حــضــار=لــيـــا نـخــاهــم فـــــي نــهـــار الــضـــروره
ولـيـا وقــف مــن ظـيـم الايــام مـحـتـار=واوقـــف امـامــه الـــدروب امـحـضـوره
سـلـطـان يـاسـلـطـان يـامـكــرم الــجــار=شــــف الــزمـــن فــيـــه تــزايـــد حـــــدوره
يابن الرجال اللي يدوسون الاخطار=دون الدخيل ليا وصلتهم سبوره
اهل الكرم والطيب جزلين الاذكار=واللي مراجلهم ماهي بمحصوره