يامجلس الشورى المشورة للنساء ولا للرجال = اشوف بالمجلس رجل واشوف بالمجلس مره
مااملك اجابة كافية احب توضيح السؤال = الشري له ريحه ولكن ماهو مثل العنبرة
الله يكافينا شرورٍ المعركة والاحتلال = مافيه فرق يتضح بالباديه والحاضرة
وجه الشبه مكشوف مابين الحقيقة والخيال = كل القنوات الخطيرة كل ابوها مشفرة
الناس يلهيها الامل وتعيش في طول الامال = لو البداية والنهاية كلها في المقبرة
راس الشهر معروف يحسب له على مبدا الهلال = يطلع هلال باوله ويطلع هلال باخره
اليا وردت العد ابارد في طويلات الحبال = اما طريق الميمنه ولا طريق الميسرة
ماهو صحيح انه يعيش بوقتنا مستور حال = اللي معه نظره بعيده لازم يمد نظره
وشلون ابقفللي مجال احيان ادخللي مجال = اليوم حتى الحلم يلقى من يقوم يعبره
الحمد لله والشكرلله عندي راس مال = هذي رسالة تعتبر والعفو عند المقدرة