قصيده مهداه لسعادة العميد /خلف محمد البراك
 

السلام عليكم ورحمة الله وبركاته

هذه القصيده مهداه لسعادةالعميد/ خلف محمد البراك (أبوسلطان) قائدالقوه الخاصه لأمن الطرق بمنطقه القصيم



سلام مني مع تحيه وتقدير
............. لابن الشيوخ اللي تنومس فعوله


تحيه أحلى من حليب المغاتير
............. من قلب صادق في كـلامن يقوله


ياطيب(ن)يشهد لك بطيبك الغير
............. تشهد لك الأجناب قبل الحموله


كلاً يأبو سلطان يذكرك بالخير
............. وكلاً على طيبك شهدلك بقوله


لمست تقديرك مع كبير وصغير
............. والرجل مثلك يرفعنه فعوله


بقيادة أمن الطرق قدت الطوابير
............. متعامل(ن)معنا بطيب ورجوله


أثنعش عام تبشر بسهل وبخير
............. والصعب لامن جاك قلت محلوله


بعض البشر لاراح سقنا التباشير
............. وأول مايفرح فرقته ناس حوله


وأنته على فرقاك صرنا مخاسير
............. فرقاك مامرت علينا بسهوله


وافي ولا جا منك ياشيخ تقصير
............. واللي يذمك ماصدق مايقوله


ولاهو غريب أنك تميز عن الغير
............. متعلم(ن)طيب العرب من أصوله


جدك وأبوك مطوعين المناعير
............. لاصار بالميدان صولـه وجولـه


من بيت ابن براك زبن المعاسير
............. على الكرم والطيب تسرج خيوله


وآخر كلامي لك تحيه وتقدير
............. لعل تبقى للكـرم والرجـوله



مع التحيه أخوكم /عبدالعزيز مفضي(الشـــاوي)

ابو توتو
صح بدك وماعليك زود
وأشكر لك التعديل
مرورك عطر قصيدتي وميزها فلك التحيه والتقدير

صح لسانك ويستاهل خلف

بالتوفيق لك شاعرنا الراائع

تحياتي

صح السانك وبيض الله وجهك
حي هالطاري يابو سلطان
والله ومليون الف نعم
بابو سلطان يستاهل القصيده وهو كفو

صح بدنك أخوي سند الداموك
وأشكر لك مرورك مع فائق تحياتي

صح بدنك أخوي أبو عيسى

الأبداع في مرورك فلك الشكر والتقدير