قبيلة بني رشيد - حسبي على اللي بي الاحباب قامي

بسم الله الرحمن الرحيم

خلي سرقني والحنايا مقافيل === سرق قليبي بس ماهو حرامي

عزالله اني منه ذقت البهاذيل === ومني لطيف الروح نال احترامي

راع العيون الناعسات المظاليل === سيدي عذاب مرودعات الوشامي

دره ثمينه من نوادر هذا الجيل === سبحان خالقها رفيع المقامي

طرده براء حالي ولاعاد بي حيل === وماجور ياطارد ظبي العدامي

انكفت منه معيف بليا محاصيل === وحسبي على اللي بين الاحباب قامي

بدل املنا بياسن اسود كما الليل === ياشين عقب النور شوف الظلامي

وقلت اه يابراق ذيك المخاييل === ماسقيت قلبن من عنا الود ظامي

قلبن طراله يوم هلت هماليل === سرن وقع بين الثراء والغمامي

سرن بسيطن صعب ياسامع القيل === ماهو حلالن بس ماهو حرامي

الشاعر / صلاح مطلق بن بدي