قبيلة بني رشيد - قمت تعجب وقالت يازمان العجب

نهار سبعة عشر سبعة بتالي رجب *** ياليتني مادخلت السوق وأنا اجنبي
العصر مريت يوم السبت سوق الذهب *** لقيت مخلوق لاهندي ولامغربي
من شوفته مالقيت الا السهر والتعب *** صار السهر والتعب من شوفته مكسبي
اللبس لبس اجنبي والدم دم العرب *** زول ليا شافه الشايب يعود صبي
مكمل بالجمال وبالحسب والنسب *** قلت السلام وتبسم قال لي وش تبي
وليا تقربت من زين الحلايا هرب *** واقول عطني الصراحة وانت ابو ماتبي
بغيت اعرفه وش اسمه مير ما الله كتب *** يقول ابي سمعتي واخشى على مذهبي
تبين النور من خده على واحتجب *** يالله عليك الخلف تخلف على اتعبي
انا قتيل العيون النجل سود الهدب *** ذقت العني والعذاب ولاحصل مطلبي
قلت ارحم اللي طواه الهم وانت السبب *** قالت لعله يطاولك السهر بسببي
قلت الظليمة حرام بكل حشمة وادب *** قالت معي عين وصانا عليها النبي
انشد ولا يلحق النشاد لوم وعتب *** انا غريب وقضي ماي وقضي منهبي
انتي من اهل الكرك والدير ولا حلب *** قالت يشيب الولد ما حصل اللي يبي
قلت انتي من السويد اهل الفرح والطرب *** قالت بلاد العروبة رغبتي وطلبي
انتي من اهل الخليج مخلصين النشب *** قالت من المسلمين وجد ابوي غربي
واللي يقول الهوى كله خطر ماكذب *** قلت وعديني وعد بس اذكره وكذبي
قمت تعجب وقالت يازمان العجب *** يا لايمه للغرام انا اشهد انك غبي
عليك رسم البداوة والزمان انقلب *** قالت عظامي ودمي واللحم وعصبي
انا من البدو كان الدم وصل الركب *** يوم السلاح المتل والرصاص حلبي