ما عاد لي مقعادً اليوم بـ سدير=ودي أدله نفس زادة هممها
فالدبدبه يذكر لنا العشب و الخير=البدو فيها قيل تشبع غنمها
وين الرفيق اللي بعيد المشاوير=قريبة ً عنده ليا من زهمها
ياماحلا فالروض شوف النواوير=تلعب بها الأنواد بهبت نسمها
يازين لا مديت فيه النواظير=طب النفوس اللي كثيره غممها
برفقة اللي ما يحسب المخاسير=نسل الرجال اللي قويه عزمها
اللي مع الأسفار يشلع كما الطير=يكب المنام و فرصته يغتنمها
ومع شعة النور الدلال المباهير=امجهزه و النار لك قد شعمها
وكل الرفاقا مثله بدون تقصير=ابطيبها و ابفعلها و ابكرمها
خوة نشاما تنشراء بالدنانير=ومن هو شراها يموت ما قال سمها