قال الرشيدي من حسين التماثيل = يم السديري يرفع الله مقامه
من عاش بدنيا يشوف البهاذيل = ويشوف بعيونه حلال وحرامه
ياالله يا المطلوب منشي المخايل = يخالق درب الخطر والسلامه
يلي من المنشا مزونه مضاليل = حتي الكسير اليوم يجبر عظامه
تعز من حكمه بعيداً عن الميل = مثل الحليب اللي يغذي طعامه
أحمد أبو عبدالله زعيم الرجاجيل = هذا الزعيم ويسحق الزعامه
أحمد ليا حلي كما نجمة سهيل = ولا القمر بالنور يجلى ظلامه
أحمد ليعدو زحول الرجاجيل = يجط مابين الضمائر علامه
يحط في كبد المعادي ولاويل = لين الخصيم اليوم فارق خصامه
وأنتم أهل الفزعة وانتم أهل الخيل = نطاحة الكايد نهار الزحامه
وأنتم سدارا وسدارا حلاحيل = صقر الجزيرة بين خال وعمامه
ياالله يا المطلوب ياخلق الليل = الليلك المخلوق يحسن صيامه
تفك أبو عبدالله من جميع الغرابيل = وتغفر ذنوبه مثل حزة فطامه
ويا الله عسى ما يجي قلبه الويل = وفي جنة الفردوس مسكن عظامه
مرهن بطيبه كنه على شاطي النيل = مثل البحور اللي رهبه اجمامه
وراع الردا يجزا بروس الغراميل = وراع الوفا بطيب نرفع أعلامه
وطيب لأهل الطيب عز وتنافيل = وراع الردا محاشي غير الندامه
بيضا لأبو عبدالله عدد ماينبت السيل = وعداد خلق الله ليوم القيامه
وصلاة ربي عد وبل الهماليل = وعداد من طاف الحرم في حرامه