هذه قصيدة للشأعر احمد بن محمد بن عجوين الرشيدي
 

في صفحة الحرمان عنوانه الدرس...
أنا ضحية درسنا إلي درسناه...
الشرح واضح يفهمه من لقا لمس...
سود الليالي في حبيب(ن) تناساه...
عقب العهد ومصافح الخمس للخمس...
خان اليمين إلي حشا تخون يمناه...
ياجاهل(ن) بالحب لايجذبك همس...
همس الكلام إلي تقطر من شفاه...
بأعذب عبارات الغلا يغمسك غمس...
يآسر خفوق(ن) أذهله خضعت حماه...
يعطيك من نبع الغلا حالي الدبس...
أنت الوحيد إلي خفوقي تمناه...
يلعب على المضمون وأنته على المس...
مثل الجهاز إلي خبيره توراه...
يبدي لك الإعجاب في نظرته بس...
وإلا النوايا عكس قوله ومبداه...
له غاية(ن) منها خفوقه ترى يبس...
يبي يبل عروق جوفه عن ضماه...
وليا تمكن يطمس القائمة طمس...
يزيل إسم(ن) أقنعه عهد بالله...
كم واحد(ن) حلت على غيبة الشمس...
فرقا الذي من بد هاالخلق صافاه...
صوت بصوت(ن) صيحته تبعد الرمس...
واشيب عيني ويل حالي ويلاه...
حل الفراق بطبعه القاسي الشرس...
ولجت ضلوع الصدر من حر فرقاه...
قبلك أبوليلى وعنتر ولد عبس...
وردو حياض الموت من شان لاماه...
أحد(ن) جمع كنوز وأحد(ن) ولافلس...
وصارت نهاية كل واحد معاناه...
الحب فيه اليآس والحزن والحمس...
دربه عسر ياطول ليله ومسراه...
يندر به العاذل ويكثر به الغرس...
هذا جنا غرسه وهذا نثر ماه...
الحب من عهد العجم وأيضا(ن) الفرس...
خالد من عصور(ن) مضت لاعرفناه...
هذي الحقيقه واضحه مابها لبس...
لاشك منهو ناشد اليوم ماتاه...
إسمع كلام إلي عمس خاطره عمس...
شوف الضحايا في دروب(ن) مخلاه...
ماينفع إبهامك إليا عضه الضرس...
ولا جنب المكتوب شي(ن) حذرناه...
خذها نصيحة واحد(ن) عايش الدرس...
عانا وعاصر كل هاالي كتبناه...
الشاعر / أحمد محمد العجوين الرشيدي

صح السانه
لاهنت

صح لسانه أأأأبدأأأأأأأع