من لايقدر خوتك لاتعده ،، لاتخوبرك فيه المظاهر تخوبار
 

الصاحب اللي لا زمك مايسده
حرام في عينك تحط له تعبار
لان الخوي طيرن ولازم تهده
ومن لايسد اللازمه صار نكار
ومن لايقدر خوتك لاتعده
لاتخوبرك فيه المظاهر تخوبار
ياخذك في مزحه ويذبحك جده
واليا بدالك خيره اختار الاخيار
اللي يقول القول ويصير قده
اللي على الميقاف ماعمره انهار
لافيه لا ذله ولا فيه صده
يقضي لك اللازم ولافيه تحتار
وقت الرخاء يكفيك قلبه ونده
مايقلب النيه ولا يفش الاسرار
يبادلك طيبه بحب وموده
ولاضاق صدرك كلمته تطفي النار
ودايم جيوشه للخوي مستعده
مثل الذهب لو عاش له قرن مابار
يابو فهد كف الوفي مستمده
ولاهي تدور للفوايد والإثمار

تسلم
 

صح بدنك اثير الشوق