بـعض الـعرب ما ينعطي وجه بالحيل = ولـيا عـطيته وجـه صـار لك علة
وبـعض الـعرب ماله سنع لكنه حليل = بـالـضبط كأنك لا تـمعنت ظـله
وبعض العرب شقرا و شقرا مع الخيل= مـا يـنفعك لـولا الـرموش الـمظله
و بـعض العرب لا يعجبك ثرثرة ليل = و بـاكر تـرى مـا قـالك شـي لـله
وبعض العرب مرسال مادري مريسيل= يـساير الـعالم و هـو حـاصل لـه
وبعض العرب يصلخ و ينفخ و هو ريل =و فـي زعـمه انـه يـفهم الكون كله
وبـعض العرب ما غير بندق و دربيل =و مـنين مـا هـب الـهوا جـايز له
وبـعض العرب يطلع كما طلعة سهيل= و يـغيب نـجمه قـبل دربـه تـدله
وبـعض الـعرب يوذيك بالقال والقيل =تـجلس مـعه سـاعة ولاخـرى تمله
نـذل و خـسيس يفصل الهرج تفصيل=و لـيـا لـقـا لــه طـيب يـستغله
وبـعض العرب منظر و كشخة وتحليل= شـبح بـحال و حـاله اخـرى كرله
لا شـفت زولـه مـن خيار الرجاجيل= و لـيـا عـرفته مـا تـجيه بـمحله
و بـعض العرب ماضيه ليل على ليل=كــذ بـصـموه وصـوروه الادلـه
وبـعض الـعرب لا والله إلا تـهاويل= مـهـما عـقدت الـحبل لازم يـحله
كــذ دربـوه و لـكعوه الـرجاجيل = مـن قـبل لا يـصير الحدث جاهز له
وكأنك شجاع صحيح حارب إسرائيل =قـبـل الـيـهود الـقدس لا تـستحله
وكـلش يـهون إلا الـثلاث الـغرابيل= الـمـهـزلة والمسكنة والمذلة