|
في رثاء شاعر الكويت شبيب الدقباسي
في رثاء الشاعر الكبير شبيب بن جعيلان الدقباسي رحمه الله واسكنه فسيح جناته..
قالوا رثيته قلت غصبٍ بلا طيب .. . وشلون ما نرثي شبيب بمماته رثيت شايبنا وراعي المواجيب .. . يعجز لساني والقَلم في صفاته تشهد له الأَجناب قبل الأَصاحيب .. . في الوقت هذا من يسوّي سواته يا راعي الحرشا حصان الأَطاليب .. . يا عزّ ربعه في ليالي حياته شبيب فيكم يصدق الظن ما يخيب .. . يا اللي على المحتاج مظفن عباته ياعدّ.. يا هداج عذب المشاريب .. . على القصير ولا بته ولحماته نشمي وصقّار ولابه عذاريب .. . يا كثر والله بالرجال حسناته ياما جمع ربعه على العز والطيب .. . هذا طرب قلبه وغاية مناته تسمع لقولة مرحبا وأَلف ترحيب .. . ما هو من اللي غارقٍ في مباته أما الكرم ما فيه شكٍ ولا ريب .. . كريم بالدنيا وهذي غناته ياخذ مطاليبٍ ويعطي مطاليب .. . يوفي مع الأصحاب في لازماته الله يبيحه بإذن من يعلم الغيب .. . بيوم الثلوث اللي حضرنا وفاته والله يجيره من جميع العواقيب .. . بيومٍ يبيّن سيته وحسناته يوم ادفنوه ودمع عيني سواكيب .. . عليه دمع العين هل عبراته الموت حق ولاعن الموت تجنيب .. . والمسلم المؤمن على الله ثباته الشاعر عبدالعزيز مهدي النغيص الرشيدي |
الله يرحم الشاعر الكبير والصقار شبيب الدقباسي وصح لسانك ياعبد العزيز
|
الله يرحم فقيدهم
والبقى براس شاعرنا وصح لسانه وشكراًعبس |
الله يرحمه ويسكنه الجنة
الحقيقة أنا اعرف عنه أنه شاعر فقط وذلك بسبب البعد فهو من اهل الكويت ولكن القصيدة الممتعة اوضحت لنا نبذة عن حياة شبيب الدقباسي رحمه الله وياكثر قصايد المدح باللي يسوى واللي مايسوى لكن الشاعر كتب القصيده من احساس صادق . وهو مااتضح لنا صح الله السانه |
الله يرحمه ويغفر له
وصح لسان شاعرها وتسلم على النقل |
الله يرحم الشاعر شبيب الدقباسي صح اللسانك عبدالعزيز تقبل مروري |
الله يرحم الشاعر والصقار شبيب الدقباسي رجل شهر بصيته الطيب وخلقه النبيل بين الرجال رحمه الله رحمة واسعه وصح لسان الشاعر قال فصدق في فقيدنا عبس 404 أشكرك على النقل |
الله يرحمممه ويغفر له
وصح لسآن شاعرها وتسلم يمينك . |
| الساعة الآن +4: 07:08 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
