قبيلة بني رشيد - نعيق البوم ماهز الشوامخ /لسعدان بن عابس

قبيلة بني رشيد (http://ban3abs.com/aa/index.php)

- قسم قصص وتاريخ القبائل العربيه (http://ban3abs.com/aa/forumdisplay.php?f=69)

- - نعيق البوم ماهز الشوامخ /لسعدان بن عابس (http://ban3abs.com/aa/showthread.php?t=12615)

نعيق البوم ماهز الشوامخ /لسعدان بن عابس

أنـا يــاذاك عــن تفكـيـرك آهــل=وعارف وين شبحك با لشواهـل
وكم تخطي وكـم كنـت أتغاضـى=وأرد أنصحك وأمهل لك وأماهل
على الهفوات مانفسي حريصـة=وأنا من منهل أهل الطيب ناهـل
اسكاتـي عنـك زاد ابـك التمـادي=وغـرك يـوم انـا معـك متسـاهـل
تغاضيـت أحسبـك يــاذاك تفـهـم=لكنـك فـي ذهــول الــذات ذاهــل
أعرف أنـه يغيضـك طـول بالـي=وفـي نفسـك هواجيسـن دواهــل
فــلا تـقــدر تـهــد الـــي بنـيـتـه=ولانـت بـمـا تـريـده فــي واهــل
شمـوخـي لاتـطـول ولا تطـولـه=ودونــه يزهـلـك بالغـبـن زاهــل
نعـيـق الـبـوم مـاهـز الشـوامـخ=ولارد الـــورود عـــن المـنـاهـل
تسوي لـك حضـورآ فـي غيابـي=تحسبنـك كبـرت وصـرت عاهـل
ولـكـنـك صـغـيـر بـكــل مـعـنـى=اراك بـمـدهـل التـغـريـر داهــــل
تعيـش أوهـام تحسبهـا حقيـقـة=وتفكيـرك مــن الأ وهــام راهــل
تخالف واقعك فـي واقـع اصعـب=بهـذرك وشتكـت منـك الكـواهـل
مغـيّـب تستغـيـب بـمــا تـقـولـه=فقـد فمـك الصـراروصـار بـاهـل
لاكـن صوتـك مــداه لسامعيـنـك=نكور وصوتك انكر منت صاهـل
حضورك فيه مايلغـي حضـورك=وتصنيفك عن أهل العرف جاهل
أجـل مـاعـاد لــك يــذاك عـنـدي=سـوى كسـر اعتـبـارك بتجـاهـل

للشاعر سعدان بن عابس الرشيدي

شفاه الله والبسه لباس الصحه والعافيه