قبيلة بني رشيد - مشعل الخياري وغازي البراك

السلام عليكم ورحمة الله وبركاته
يشرفني ان انقل لكم محاورة
الشاعر/ غازي البراك
والشاعر/ مشعل الخياري

مشعل الخياري

سلام يا طيبن منه الجماعه تطيب &&&& والطيب ماستغربه من منبع الطيبين

الذيب لامن عوى جاوبه بالصوت ذيب &&& يالذيب يازين سلم اجدادنا الاولين
غازي البراك
يامرحبا جعل مثلك ياولـد مـا يغيـب عن موقع يجمع اهل الطيب دنياء ودين
يامشعل الله يحفظك ماش شين غريب انتم وحنا سوى من ماضيات السنيـن

مشعل الخياري
دام البقاء والصعيبه ماله الا الصعيب

اللي ليا حاشها مايختلف به اثنين

عطني وبعطيك والمعنى يصيب ويخيب

علومن مبرهنه ماهيب بينا وبين
غازي البراك
اخذت تدرس وتجارب مع بعيد وقريب واللي يباء المعرفه ينشد عن العارفين
جرح الزمن حير العاقل وعيا يطيـب حتى منال الحنيني تشتـم الغانميـن

مشعل الخياري
انشد مجرب ولا تنشد بعدة الطبيب

قيلت بالامثال والدنيا تزين وتشين

يالله رحمتك بالوقت الغريب العجيب

اللي بها الذيب همش وعتلى ابا الحصين

غازي البراك
مدام حول الهدف رميك حقوق ويصيب = لاتظلم الموهبه والله كريم ويعين

الله ينصر هل السنه على اهل الصليب = حسبي على شله اللي دايم حاقدين

مشعل الخياري
الطلبه اللي يابو يوسف وراها طليب

ماضاع حقه لو انه بعد حينن وحين

يالله عفوك وصفحك يالاله المجيب

تنصر اهل شام نصرة بدر والا حنين